ტესტ-მატჩები

17:59 | 18.05.2018 | ნანახია 986 - ჯერ

„ოლ ბლექსი“: საფრანგეთთან კაპიტნის გარეშე

„ოლ ბლექსის“ კაპიტანმა ქირან რიდმა დაადასტურა, რომ ტრავმის გამო საფრანგეთთან გასამართ ივნისის ტესტ-სერიას გამოტოვებს.

„რეაბილიტაციის პროცესში ზუსტი რიცხვის განსაზღვრა შეუძლებელია. ვიმედოვნებ, რომ თამაშს ივლისში დავიწყებ, თუმცა ეს შესაძლოა ოდნავ გვიან, ან ადრე მოხდეს. აუცილებელია, რომ აღდგენის ყველა პროცედურა გავიარო“ - განაცხადა 32 წლის მორაგბემ.

რიდს 18 ნოემბრის (შოტლანდიასთან) შემდეგ აღარ უთამაშია და 9, 16 და 23 ივნისს საფრანგეთის წინააღმდეგაც ვერ ითამაშებს. ის იმედოვნებს, რომ „კრუსეიდერსს“ სუპერ რაგბის ფლეი ოფებში დაუბრუნდება, ხოლო ნაკრებს 18 აგვისტოს ავსტრალიასთან, „ბლედისლოუს თასზე“ დაეხმარება.

ქირან რიდს „ოლ ბლექსის“ მაისურით 109-ჯერ უთამაშია და 23 ლელო აქვს გატანილი.


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.107505