ლეგიონერები

1:40 | 12.05.2018 | ნანახია 1799 - ჯერ

ანტონ ფეიქრიშვილის “კარდიფ ბლუზი” ჩელენჯ ქაფის გამარჯვებულია

“კარდიფ ბლუზი”, რომლის ღირსებას საქართველოს ნაკრების მარჯვენა ბურჯი ანტონ ფეიქრიშვილი იცავს, ჩელენჯ ქაფის 2017/2018 წლების სეზონის გამარჯვებულია.

უელსურმა გუნდმა “სან მამესზე” გამართულ ფინალურ მატჩში “გლოსტერი” უაღრესად დაძაბულ და დრამატულ მატჩში დაამარცხა და ევროპული საკლუბო რაგბის რანგით მეორე ჯილდო მოიპოვა. ფეიქრიშვილი განაცხადში არ ყოფილა.

“კარდიფ ბლუზი” ფაქტობრივად მთელი შეხვედრის განმავლობაში აგებდა. ტაიმი 6:20 დათმო, მაგრამ მეორე ნახევარი კარგად დაიწყო და 55-ე წუთისთვის სამი ქულით გავიდა წინ. ინგლისელები მალევე ისევ დაწინაურდნენ და შეხვედრის დასრულებამდე 10 წუთით ადრე 7 ქულით იგებდნენ.

73-ე წუთზე ჟერომ გარსემ ინგლისელთა მესამეხაზელი ლადლოუ გაასინბინა, რასაც ორ წუთში სქალის კიდესთან დადებული ლელო მოჰყვა, მაგრამ გარეთ ენსკომბს გარდასახვა გაუცუდდა და იოჰან აკერმანის გუნდი 2 ქულით დარჩა წინ, თუმცა 78-ე წუთზე უელსელებმა ჯარიმა მოიპოვეს, რომელიც ენსკომბმა 3 ქულად აქცია და “კარდიფ ბლუზს” ტიტული მოუპოვა – 31:30.

ცნობისთვის, ფეიქრიშვილმა წლევანდელ ჩელენჯ ქაფზე 5 შეხვედრა ჩაატარა, ხოლო “კარდიფ ბლუზმა” ზემოხსენებული ტიტული მეორედ აღმართა.


კომენტარები (2)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
13:37 | 12.05.2018
თორღვა პანკელი (380)

ვულოცავ ანტონს ამ დიდ გამარჯვებას.

13:18 | 12.05.2018
dominici99 (84)

da anyoni ratom ar iyo,mizezi xom ar icit? eg aris saintereso.

0.216245