უცხოური

14:40 | 10.05.2018 | ნანახია 1107 - ჯერ

ედი ჯონსის 34-ეული

ედი ჯონსმა ამ დილით 34-კაციანი სია გამოაქვეყნა. ეს ის 34 მორაგბეა, ვინც ინგლისის ნაკრების შემადგენლობაში ივნისში სამხრეთაფრიკულ ტურნეზე გაემგზავრება და „ბოკესთან“ 3 ტესტ-მატჩში ითამაშებს.

გუნდში 7 ახალბედაა: ბენ ერლი, ჯონი ჰილი, დენ რობსონი, ბრედ შილდსი, ბენ სპენსერი, ქემერონ რედპათი და ჯეკ უილისი.

დენი სიპრიანი ინგლისის ნაკრებში 3-წლიანი პაუზის შემდეგ ბრუნდება. ბილი ვუნიპოლამ ტრავმის გამო 6 ერის ჩემპიონატი გამოტოვა, მაგრამ ახლა ის ჯანმრთელადაა და აფრიკაში მიემგზავრება. ნაკრებშია მარკ უილსონიც, რომელმაც ეროვნული გუნდის კვართი ბოლოს 2017 წლის ზაფხულში მოირგო.

კაპიტანი დილან ჰართლი აფრიკულ ტურს ტვინის შერყევის პროტოკოლის ძალით გააცდენს და მის არყოფნაში ინგლისის ნაკრების ოფიციალური ლიდერის ფუნქციებს მისი ბომბარდირი ოუენ ფარელი შეასრულებს.

ფორვარდები: ტომ ქარი (სეილ შარქსი), ბენ ერლი, ნიკ ისიეკვე, მარო იტოჟე, ბილი ვუნიპოლა, ჯეიმი ჯორჯი, მაკო ვუნიპოლა (ყველა - სარასენსი), ჯონი ჰილი, სემ სიმონსი, ლუკ ქოუან-დიკი, ჰარი უილიამსი (ყველა - ექსეტერი), ჯო ლანჩბერი, ჯეკ უილისი (ორივე - უოსპსი), კრის რობშოუ, ჯო მარლერი, კაილ სინკლერი (ყველა - ჰარლიქუინზი), ბრედ შილდსი (ჰარიქეინზი/უოსპსი), მარკ უილსონი (ნიუკასლი), ელის გენჯი (ლესტერი);

უკანახაზელები: მაიკ ბრაუნი (ჰარლიქუინზი), ელიოტ დეილი, დენი სიპრიანი, დენ რობსონი (ყველა - უოსპსი), ნეითან ერლი, ოუენ ფარელი, ალექს ლოზოვსკი, ბენ სპენსერი (ყველა - სარასენსი), ჯონი მეი, ჯორჯ ფორდი, ბენ იანგსი (ყველა - ლესტერი), დენი სოლომონა, ქემერონ რედპათი (ორივე - სეილ შარქსი), ჰენრი სლეიდი (ექსეტერი), ბენ თე’ო (ვუსტერი).


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.108346