შაბათს „პოსთან“ ტოპ 14-ის ბოლო ტურის მატჩის მე-17 წუთზე „ტულონის“ მღლეტელმა მამუკა გორგოძემ მოედანი დატოვა და ექიმებთან კონსულტაციის შემდეგ თამაშში აღარ დაბრუნდა.

დღეს „ტულონის“ მორკინალთა მწვრთნელმა ფაბრის ლანდრომ ოფიციალური განცხადება გააკეთა:

„მამუკა გორგოძემ მატჩის მსვლელობისას ბარძაყის კუნთი იტკინა და შეცვლა ითხოვა. ექიმებმა რისკის თავიდან არიდების მიზნით გვირჩიეს, ქართველს თამაშის გაგრძელებისგან თავი შეეკავებინა. მამუკაც, შესაბამისად, წინდახედულად მოიქცა. ყველაფერი რიგზეა და გორგოძე პლეი-ოფისთვის ჩვეულ რეჟიმში ემზადება. მის ნაცვლად ახალგაზრდა ვათამაშეთ და ესეც სასარგებლოა - რეზერვის შესაძლებლობებს დავაკვირდით“.

ცნობისთვის, 18 მაისს მამუკა გორგოძის, ლევან ჩილაჩავასა და ბადრი ალხაზაშილის „ტულონი“ ტოპ 14-ის პლეი-ოფის მეოთხედფინალის ფარგლებში „ლიონს“ უმასპინძლებს და გამარჯვების შემთხვევაში „მონპელიეს“ ესტუმრება, ამ შეხვედრაში უძლიერესი კი დიდ ფინალში გავა.