ჩემპიონატები

23:39 | 25.04.2018 | ნანახია 844 - ჯერ

ოფიციალურად: ნორთი “ოსპრეიზში” ითამაშებს

უელსის ნაკრების გარემარბი ჯორჯ ნორთი, სეზონის დასრულებისთანავე ინგლისურ “ნორთჰემპტონს” დატოვებს და კარიერას სამშობლოში განაგრძობს.

26 წლის მორაგბემ უელსის რაგბის კავშირთან ორმაგი კონტრაქტი (რაც იმას ნიშნავს, რომ ხელფასის 60%-ს ნორთს უელსის რაგბის კავშირი გადაუხდის) გააფორმა და მომავალი სეზონიდან “ოსპრეიზის” ღირსებას დაიცავს, რომელიც პრო 14-ში მოთამაშე ერთ-ერთი უელსური ფრანჩიზია.

ნორთი 2010-2013 წლებში “სკარლეტსის” ღირსებას იცავდა, სადაც 42 მატჩში 14 ლელო გაიტანა. მან 2013 წელს სამშობლო დაატოვა და “ნორთჰემპტონში” გადავიდა, დღემდე ინგლისური კლუბის კვართი 88-ჯერ მოირგო და 38 ლელო დადო. უელსის ნაკრებში კი დებიუტი 2010 წელს, 18 წლის ასაკში ჰქონდა, მას შემდგომ “დრაკონების” ღირსება 72-ჯერ დაიცვა და მეტოქეები 31-ჯერ დაალელოვა.

ჯორჯი 2013 და 2017 წლებში ბრიტანელი და ირლანდიელი ლომების ტურნეშიც იმყოფებოდა.


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.106312