საფრანგეთის რაგბის კავშირის გადაწყვეტილებით, 31 მაისს თბილისში საქართველოს ნაკრებთან სათამაშოდ „ფრანგი ბარბაროსები“ პრო დ2-ის ნაკრებით ჩამოდიან. უფრო მეტიც, ფრანგებმა ჩვენთან სათამაშოდ აქცენტი მეორე დივიზიონის პერსპექტიულ მოთამაშეებზე გააკეთეს და გუნდსაც „ბეიბი ბარბარიანსად“ მოიხსენიებენ:

„ფრანგი ბარბაროსები“ ჩვენი ქვეყნის რაგბის განუყოფელი ნაწილია. „ბეიბი ბარბარიანსი“ პრო დ2-ის ყველაზე პერსპექტიული ახალგაზრდებით იქნება დაკომპლექტებული. კულტურული მემკვიდრეობა „ბარბაროსების“ მთავარი შემადგენელი ნაწილია. ესენი არიან ახალგაზრდა შემსრულებლები, რომელთაგან რამდენიმე ერთ დროს „ლე ბლეში“ მოხვდება“, - განაცხადა საფრანგეთის რაგბის ფედერაციის პრეზიდენტმა ბერნარ ლაპორტმა.

ფრანგებმა უკვე გამოაქვეყნეს 23-კაციანი შემადგენლობა, რომელიც საქართველოში ჩამოვა:

პირველი ხაზი: მალინო ვანაი (მონტობანი), რაფაელ კარბუ, ენცო ფორლეტა (ორივე - პერპინიანი), კრისტოფ დავიდი, ვალტერ დემეზონი (ორივე - მონ-დე-მარსანი), ბლეზ დიუმა (ვანი);

მეორე ხაზი: მაქსიმ გრანუიე (ორიაკი), ჟან-ბატისტ სენჟერი (ბიარიცი), ჰანს ნკინსი (გრენობლი);

მესამე ხაზი: ალან ბრაზო (პერპინიანი), ნიკოლა გარო (მონ-დე-მარსანი), იუგო ფაბრეგი (ნევერი), ალბან პლასენე (ბიარიცი);

ნახევარდაცვა: ჟულიენ ბლანი (ბეზიე), მაქსიმ ლუკუ (ბიარიცი), ჟერომ ბოსვიელი (მონტობანი);

უკანა ხაზი: მაქსიმ მატი (მონტობანი), დორიან ლაბორდი, იოან ლაუს აზპიაზუ (ორივე - მონ-დე-მარსანი), კილან ჰამდაუი (ბიარიცი), ოლივიე კლემენჩაკი (დაქსი), მარტენ ლავო, რეიო მუსკარდიცი (ორივე - ბაიონი).

მწვრთნელები: დავიდ ორადუ და კრისტოფ ლოსიუკი (ორივე მონ-დე-მარსანი)