ქართული

14:38 | 11.04.2018 | ნანახია 1253 - ჯერ

მიქაუტაძემ და „მონპელიემ“ თანამშრომლობა 2020-მდე გაიხანგრძლივეს

საქართველოს ნაკრებისა და „მონპელიეს“ მეორეხაზელმა კონსტანტინე მიქაუტაძემ ფრანგულ კლუბთან თანამშრომლობა 2 წლით გაიხანგრძლივა. კოტეს ტოპ 14-ის მიმდინარე რეგულარული ჩემპიონატის სეზონის ლიდერთან კონტრაქტი ივნისში ეწურებოდა, თუმცა კლუბის ხელმძღვანელობას მისი შენარჩუნება სურდა და არც თავად ბორჯღალოსანი იყო „მონპელიეში“ დარჩენის წინააღმდეგი.

მხარეებმა მიქაუტაძის უქმობით ისარგებლეს და ამ ორმხრივ სურვილს ოფიციალური ხასიათი შესძინეს. მოგეხსენებათ, 26 წლის ბორჯღალოსანმა ინგლისის ნაკრებთან 3-დღიანი ერთობლივი წვრთნისას ხერხემლის ტრავმა მიიღო, კოტეს ოპერაციის გაკეთებაც კი მოუხდა. ყველაფერმა წარმატებით ჩაიარა და რეაბილიტაციის პერიოდიც ნორმალურად მიმდინარეობს. როგორც თავად მორაგბე ამბობს, მაისში თამაშსაც შეძლებს.

შეხსენებისთვის: კოტე მიქაუტაძე „მონპელიეში“ 2016 წლის ზაფხულში „ტულონიდან“ გადავიდა და ახალი კონტრაქტის ძალით თავისი ამჟამინდელი კლუბის ღირსებას 2020 წლის ივნისამდე დაიცავს.


კომენტარები (1)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
00:32 | 12.04.2018
პანტელეიმონი (1211)

+1

0.101979