მამუკა გორგოძე ტრავმით გამოწვეული სამთვიანი პაუზის შემდეგ „ტულონს“ ქვეყნის ჩემპიონ „კლერმონთან“ მატჩში დაუბრუნდა და 69-ე წუთზე ლელო გაუტანა.

ის შეცვლაზე 63-ე წუთზე შევიდა, „ტულონმა“ კი თამაში 49:0 მოიგო.

„ძალიან მიხარია, გუნდში რომ დავბრუნდი, ხოლო „კლერმონისთვის“ 50 ქულის გატანა დიდი სიამოვნებაა. ეს იდეალური იყო, რადგან 6 დღეში ირლანდიაში გასამართი მატჩის წინ თავდაჯერებულობას შეგვმატებს. ვიცით, რომ „მანსტერთან“ იგივეს გამეორება ურთულესი იქნება“, - განაცხადა გორგოძემ.

„ტულონი“ ჩემპიონთა თასის მეოთხედფინალში „მანსტერს“ სტუმრად 31 მარტს ეთამაშება.