ჩემპიონატები

19:30 | 26.03.2018 | ნანახია 1109 - ჯერ

პერენარა ცენტურიონი გახდა

ახალზელანდიელმა ჰავბექმა ტიჯეი პერენარამ, გასულ უქმეებზე “ჰარიკეინსის” შემადგენლობაში მე-100 შეხვედრა ჩაატარა და სუპერ რაგბის ცენტურიონი მოთამაშე გახდა.

26 წლის მორაგბემ საიუბილეო შეხვედრა შაბათს, “ჰაილენდერსის” წინააღმდეგ ჩაატარა, რომელშიც მისმა გუნდმა 29:12 იმარჯვა, ხოლო ტიჯეიმ მინდორზე 75 წუთი დაჰყო.

“ოლ ბლექსის” მეორე 9 ნომერი “ჰარიკეინსის” შემადგენლობაში 2012 წლიდან თამაშობს და 45 ლელო აქვს გატანილი, ხოლო ახალი ზელანდიის ნაკრებში 2014 წელს გამოჩნდა, შავი კვართი 42-ჯერ მოირგო და 8 ლელო დადო.

პერენარა “ჰარიკეინსთან” ერთად სუპერ რაგბის გამარჯვებული 2016 წელს გახდა, ხოლო “ოლ ბლექსის” რიგებში 2015 წელს მსოფლიო თასი მოიგო.


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.105863