ლეგენდარული ახალზელანდიელი მორაგბე კონდრად სმიტი მიმდინარე სეზონის დასრულებისთანავე კარიერას დაასრულებს. აღნიშნული ინფორმაციის შესახებ 36 წლის შუამარბმა გუშინ განაცხადა.

კონრადმა 2015 წელს ახალი ზელანდია დატოვა და კარიერა ტოპ 14-ის “პოში” განაგრძო, სადაც დღემდე ჩატარებულ 45 მატჩში 4 ლელოს გატანა მოახერხა. მან მიმდინარე სეზონში ფრანგული კლუბის კვართი 18-ჯერ მოირგო და 1 ლელო დადო.

სმიტი “ოლ ბლექსში” 2004-2015 წლებში თამაშობდა. ორჯერ მსოფლიო თასის გამარჯვებული გახდა, ხუთჯერ 3 ერის თასი აღმართა, ხოლო სამჯერ რაგბი ჩემპიონშიფი (4 ერი) მოიგო. მან “კივების” რიგებში 94-ჯერ ითამაშა და მეტოქეები 26-ჯერ დაალელოვა.

ის 2004-2015 წლებში “ჰარიკეინსის” ღირსებას იცავდა და სუპერ რაგბიში ჩატარებულ 126 მატჩში 24 ლელოს დადება მოახერხა.