ჩემპიონატები

19:45 | 21.03.2018 | ნანახია 891 - ჯერ

უოტსონმა სეზონი დაასრულა

ინგლისის ნაკრების და “ბათის” უკანახაზელი ენტონი უოტსონი მიმდინარე სეზონში ვეღარ ითამაშებს.

24 წლის მორაგბე 6 ერის ჩემპიონატის ბოლო ტურში, ირლანდიასთან წაგებული (15:24) საშინაო შეხვედრის 33-ე წუთზე დაშავდა და მოედნის დატოვება მოუწია. როგორც გაირკვა, ენტონის აქილევსის მყესი აქვს დაზიანებული და მიმდინარე სეზონში ვეღარ ითამაშებს. მისი სარეაბილიტაციო პროცესი დაახლოებით 6 თვეს გასტანს.

ამრიგად, ის “ბათის” მიმდინარე ავივა პრემიერშიფში ვეღარ დაეხმარება, ხოლო ივნისის ტესტებზე ინგლისის ნაკრებს სამხეთ აფრიკულ ტურნეზე ვერ დაეხმარება. ცნობისთვის, ედი ჯონსის გუნდი 9, 16 და 23 ივნისს სამ საგარეო ტესტს გამართავს “ქურციკების” წინააღმდეგ.

შეგახსენებთ, რომ უოტსონი “ბათის” ღირსებას 2013 წლიდან იცავს და 97 მატჩში 26 ლელო აქვს გატანილი. ინგლისის ნაკრებში 2014 წელს გამოჩნდა, “წითელი ვარდების” კვართი 33-ჯერ მოირგო და 15 ლელო დადო. მან გასულ წელს ბრიტანელი და ირლანდიელი ლომების ახალზელანდიურ ტურნეზეც მიიღო მონაწილეობა.


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.10509