“ანგულემის” და საქართველოს ნაკრების მორაგბე შალვა სუთიაშვილი, საფრანგეთის მეორე ელიტური დივიზიონის 23-ე ტურის სიმბოლურ გუნდში მოხვდა, რომელიც სარაგბო გამოცემამ Actus ProD2–მა შეადგინა.

შალვას გუნდი პარასკევს გასვლაზე “დაქსს” დაუპირისპირდა და 28:23 მოუგო. ქართველი მორკინალი მეორე ხაზში თამაშობს და მოედანზე 80 წუთი დაჰყო, ხოლო მე-7 წუთზე ანგარიში გახსნა და მეტოქე დაალელოვა (იხილეთ ვიდეო).

34 წლის “ბორჯღალოსნის” გუნდი, პრო დ2-ში 51 ქულით მე-9 ადგილს იკავებს.