საქართველოს ნაკრების და “ნარბონის” მესამეხაზელი ბექა ბიწაძე ტრავმირებულია. ფრანგული გამოცემის Lindependant.Fr–ს ცნობით, 26 წლის მორაგბე სამ თვეს გამოტოვებს და მიმდინარე სეზონში პრო დ2-ში ვეღარ ითამაშებს.

ბექა პრო დ2-ის მე-19 ტურში “კოლომიესთან” გასვლაზე წაგებული (9:25) შეხვედრის მე-2 წუთზე დაშავდა. სამწუხაროდ, მისი ტრავმა სერიოზული აღმოჩნდა და მინდორზე აპრილის ბოლომდე ვეღარ ვიხილავთ.

ამრიგად, ბიწაძე საქართველოს ნაკრებს 2018 წლის რაგბი ევროპის ჩემპიონატზე ვერ დაეხმარება.

ცნობისთვის, მან მიმდინარე სეზონში “ნარბონის” მაისური 10-ჯერ მოირგო და 2 ლელო გაიტანა.