2018 წლის 20 იანვარი ქართული საკლუბო რაგბის ისტორიაში შევა. როგორც იცით, საქართველო ევროპული საკლუბო რაგბის, რანგით მეორე ტურნირის, ჩელენჯ ქაფის მატჩებს პირველად უმასპინძლებს.
ავჭალის სტადიონი, ზემოხსენებული გათამაშების მე-6 ტურის ორ შეხვედრას უმასპინძლებს. პირველი მატჩი 14:00 საათზე დაიწყება, რომელშიც “ენისეი” ინგლისურ “ნიუკასლ ფალკონსს” დაუპირისპირდება. რუსული კლუბის ძირითად შემადგენლობაში ორი ქართველი, შუამარბი დავით კაჭარავა და მიხეილ გაჩეჩილაძე ითამაშებენ.
“კრასნი იარის” და “ლონდონ აირიშის” რკენა კი 17:00 საათზე დაიწყება. ციმბირელთა სასტარტო თხუთმეტეულში არიან შუამარბები გიორგი ფრუიძე და ლაშა მალაღურაძე, თადარიგშია ბურჯი მიხეილ წიკლაური, ხოლო სოსო მათიაშვილმა ვარჯიშზე ტრავმა მიიღო და თამაშს ვეღარ შეძლებს. გარდა ამისა, ითამაშებენ რუსეთის მოქალაქეები გრიგოლ და ვალერი ცნობილაძეები. გრიგოლი ძირითადშია, ხოლო ვალერი – მარქაფაში.
ინგლისური კლუბის განაცხადში ვერ მოხვდა “ბორჯღალოსანი” მესამეხაზელი ლაშა ლომიძე.
I პული
| 1. | ნიუკასლ ფალკონსი | 5 | 5 | 0 | 0 | 196:103 | 23 | |
| 2. | ბორდო | 5 | 3 | 0 | 2 | 173:145 | 16 | |
| 3. | დრაგონსი | 5 | 2 | 0 | 3 | 123:116 | 11 | |
| 4. | ენისეი | 5 | 0 | 0 | 5 | 72:200 | 1 |
IV პული
| 1. | ედინბურგი | 5 | 5 | 0 | 0 | 272:81 | 24 | |
| 2. | სტად ფრანსე | 5 | 2 | 0 | 3 | 134:156 | 12 | |
| 3. | ლონდონ აირიში | 5 | 2 | 0 | 3 | 145:137 | 11 | |
| 4. | კრასნი იარი | 5 | 1 | 0 | 4 | 89:266 | 5 |
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია