შოტლანდიის ნაკრების მთავარმა მწვრთნელმა გრეგორ თაუნსენდმა 6 ერის 2018 წლის გათამაშებისთვის 40 მოთამაშეს უხმო.

“ნარშავების” რიგებში სასიამოვნო სიახლეებია. ტრავმები მოიშუშეს და განაცხადში მოხვდნენ რიჩი გრეი, გრეიგ ლეიდლოუ და სტიუარტ ჰოგი. შოტლანდიელთა ყველაზე სერიოზული დანაკლისი ძალიან გამოცდილი კვაჭი როს ფორდია, რომელიც დაშავებულია. გარდა ამისა, ოთხი მორაგბე პირველ სანაკრებო კეპს მოიხვეჭენ – ბურჯები მარი მაკკალუმი და დ’არსი რეი, ჰავბექი ნათან ფოულსი და მგეზავი ბლეირ კინგჰორნი.

თაუნსენდის რჩეულთა სია ასე გამოიყურება:

შერკინება (21)

ბურჯები: სიმონ ბერგჰანი, ჯეიმი ბათი, მარი მაკკალუმი, გორდონ რიდი, დ’არსი რეი, ჯონ ველში;
კვაჭები: სკოტ ლოუსონი, სტიუარტ მაკკინალი, ჯორჯ ტარნერი;
მეორე ხაზი: გრანტ გილკრისტი, ჯონი გრეი, რიჩი გრეი, ბენ ტულისი;
მესამე ხაზი: მაგნუს ბრედბარი, ჯონ ბარკლი (კაპიტანი), დევიდ დენტონი, კორნელ დუ პრეზი, ლუკ ჰამილტონი, რობ ჰარლი, ჰემიშ უოტსონი, რაიან უილსონი;

უკანა ხაზი (19)

ჰავბექები: გრეიგ ლეიდლოუ, ალი პრაისი, ჰენრი პირგოსი, ნათან ფოულსი;
მგეზავები: ფინ რასელი, პიტერ ჰორნი, ბლეირ კინგჰორნი;
შუამარბები: ალექს დანბარი, მარკ ბენეტი, ნიკ გრიგი, კრის ჰარისი, ჰიუ ჯონსი, დანკან ტეილორი;
ფრთები: შონ მეიტლენდი, ტომი სიმური, ლი ჯონსი, ბაირონ მაკგუიგანი;
ფულბექები: სტიუარტ ჰოგი, რუარიდ ჯექსონი.