სიახლეები

18:14 | 12.01.2018 | ნანახია 1666 - ჯერ

კონტინენტის ფარი: "ბათუმის" შემადგენლობა "ტიმიშოარასთან" მატჩისთვის

"ბათუმის" სამწვრთნელო შტაბმა "ტიმიშოარა-სარასენსთან"გასამართი პირველი მეოთხედფინალური მატჩისთვის სასტარტო შემადგენლობაში სამი ცვლილება განახორციელა.

შეგახსენებთ, საქართველოს ვიცე-ჩემპიონმა რუმინეთის ჩემპიონი ერთი თვის წინ ბათუმში, ჯგუფური ეტაპის დასკვნით მატჩში 20:17 დაამარცხა და მეოთხედფინალში გავიდა. ზღვისპირელებს ორრაუნდიან პლეი ოფში კვლავ "ტიმიშოარა-სარასენსი" ერგო და პირველი შეხვედრა 13 იანვარს, ბათუმის "რაგბი არენაზე" 15 საათზე დაიწყება, ხოლო განმეორებითი მატჩი ერთ კვირაში კლუჟში შედგება.

ხაზში ერთი ცვლილებაა და ის ტრავმითაა განპირობებული. შუამარბმა ბექა ურჯუკაშვილმა ტრავმის მოშუშება ვერ მოასწრო და მის პოზიციაზე გიორგი გოგიტიძემ გადაინაცვლა, ხოლო გარემარბად მარქაფადან ნიკა ნინიძე დაწინაურდა, რომელმაც ევროთასების განვლილი ოთხი თამაშიდან ერთი სასტარტოში დაიწყო (ვიადანასთან), ხოლო სამჯერ შეცვლაზე შევიდა.

"კონტინენტის ფარზე" დებიუტი ექნება კვაჭ გიორგი თედორაძეს, რომელმაც ტრავმა მოიშუშა, ხოლო ბექა მამრიკიშვილმა მარქაფაში გადაინაცვლა. ერთი ცვლილებაა შერკინების მეორე ხაზშიც და ამირან მიქაძის ნაცვლად თამაშს არჩილ ალიქაძე იწყებს.

პლეი ოფის შემდეგ ეტაპზე ორი მატჩის ჯამში გამარჯვებული გუნდი გადის.

კონტინენტის ფარი | მეოთხედფინალი. პირველი მატჩი

13 იანვარი. ბათუმი. „რაგბი არენა“. 15 საათი

ხაზი (ბექები): 15. ბახვა კობახიძე, 14. ნიკა ნინიძე, 13. დავით ტრაპაიძე, 12. გიორგი გოგიტიძე, 11. ალექსანდრე ტუჩაშვილი,10. ლაშა ხმალაძე, 9. ზურაბ თუთბერიძე;

შერკინება (ფორვარდები): 1. ზურაბ ერისთავი (კაპ.), 2. გიორგი თედორაძე, 3. ტარიელ დონაძე, 4. არჩილ ალიქაძე, 5. სანდრო ქოიავა, 6. ვანო ფუტკარაძე, 7. გიორგი თხილაიშვილი, 8. ხვიჩა ბუჯიაშვილი;

მარქაფა: 16. ბექა მამრიკიშვილი, 17. ირაკლი კვანტიძე, 18. შოთა გოგისვანიძე, 19. ამირან მიქაძე, 20. ჯონდი კორტავა, 21. დურმიშხან ჯაბნიძე, 22. მანუჩარ გრიგოლია, 23. ნუკრი ფერსელიძე.

რაგბის კავშირის პრესსამსახური


კომენტარები (4)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
15:27 | 13.01.2018
meleksa (131)

რომელიმე ტელევიზია აჩვენებს?

10:40 | 13.01.2018
krasni (432)

წინა შეხვედრაში ნახა ბათუმმა, რომ რუმინელების დამარცხება შეგვიძლია. მჯერა დღეს ჩვენი ბიჭები კარგ ანგარიშზეც იზრუნებენ.

01:08 | 13.01.2018
თორღვა პანკელი (349)

დიდი იმედი მაქვს რომ წარმატებას მივაღწევთ, ფსიქოლოგიურად თავისუფლად უნდა ითამაშონ ბიჭებმა და შინაური კედლების ფაქტორი მაქსიმალურად უნდა გამოვიყენოთ, რაგბი ჩვენი თამაშია!

22:01 | 12.01.2018
პანტელეიმონი (1059)

წარმატებულ თამაშს ვუსურვებ "ბათუმს" ! ! !

0.055196