სიახლეები

16:08 | 9.01.2018 | ნანახია 2223 - ჯერ

კონტინენეტის ფარი: "ბათუმი" პლეი ოფის შეხვედრებისთვის ემზადება

საქართველოს ვიცე-ჩემპიონმა "ბათუმმა" საახალწლო შესვენება 3 იანვარს დაასრულა და ევროპული რაგბის "კონტინენტის ფარის" პლეი ოფისთვის მზადებას შეუდგა. მეოთხედფინალში ზღვისპირელების მეტოქე რუმინეთის ჩემპიონი "ტიმიშოარა-სარასენსია", რომელსაც "ბათუმმა" ჯგუფური ეტაპის დასკვნით მატჩში მშობლიურ "რაგბი არენაზე' 20:17 სძლია.

პლეი ოფი ორრაუნდიანია და ნახევარფინალში ორი მატჩის ჯამში გამარჯვებული გუნდი გადის. პირველი შეხვედრა 13 იანვარს ბათუმში, 15 საათზე დაიწყება, ხოლო ერთი კვირის შემდეგ რუმინეთში განმეორებითი შეხვედრაა. 20 იანვარს ბათუმელები კლუჟში ითამაშებენ და თამაში 16 საათზე დაიწყება.

არსებული რესურსით

"ბათუმმა" მომავალი მატჩისათვის მზადება 3 იანვარს დაიწყო და პირველი რამდენიმე დღე ფიზიკური კონდიციების გაუმჯობესებას დაეთმო, ხოლო 8 იანვარს გუნდი გონიოში შეკრებაზე შევიდა.

„შეკრებაზე "ტიმიშოარა-სარასენსთან" პლეი ოფის დასრულებამდე დავრჩებით. 13-ში, თამაშის დასრულების შემდეგ ბიჭებს სახლში გავუშვებთ და ერთი დღე დავასვენებთ, მეორე დღეს კი სასტუმროში დავბრუნდებით და რუმინეთში გამგზავრებამდე აქ დავრჩებით“ - ამბობს გუნდის მთავარი მწვრთნელი დავით გუგუშვილი, რომელსაც პლეი ოფებისთვის შემადგენლობის გაძლიერების სურვილი ჰქონდა, თუმცა ეს ვერ მოხერხდა:

„ვცდილობდით ლეგიონერებით გავძლიერებულიყავით, მაგრამ სავიზო რეჟიმის გამო საბუთების მოწესრიგება დროულად ვერ ხერხდებოდა და ამ განზრახვაზე უარის თქმა მოგვიწია. უფრო მეტიც, ტრავმების გამო "ტიმიშოარასთან" ბოლო მატჩის შემდეგ ჩვენი შემადგენლობა კიდევ უფრო შესუსტებულია“.

უმცროსი ბორჯღალოსნების შეკრებაზე არიან დურმიშხან ჯაბნიძე, მანუჩარ გრიგოლია და გიორგი მენაბდე. ტრავმები აწუხებთ კვაჭებს - ბექა მამრიკიშვილს და გიორგი თედორაძეს, ფულბეკ ბახვა კობახიძეს და შუამარბ ბექა ურჯუკაშვილს.

„ექიმების დასკვნით ბექა ურჯუკაშვილი "ტიმიშოარასთან" პირველ მატჩს გამოტოვებს. ვიმედოვნებთ, რომ ის განმეორებითი შეხვედრისთვის მზად იქნება. ტრავმები აწუხებთ და ორშაბათს პირველად ივარჯიშეს მამრიკიშვილმა, თედორაძემ და კობახიძემ. ჯერჯერობით გაურკვეველია ხვიჩა ბუჯიაშვილის საკითხი, რომელმაც "ლოკომოტივთან" მატჩისას წითელი ბარათი მიიღო. 10 ივნისს გამგეობა შეიკრიბება და მისი საკითხი გადაწყდება. შაბათს მუხლი დაიზიანა და ორშაბათს ვერ ივარჯიშა შოთა გოგისვანიძემ. არის სხვა მიკროტრავმებიც, თუმცა ბიჭები გამაყუჩებლით თამაშს შეძლებენ“ - გვიყვება შემადგენლობაში არსებული პრობლემების შესახებ გუგუშვილი.

ოპტიმისტური განწყობით

მიუხედავად ტრავმებისა და მეტოქის სიძლიერისა, გუგუშვილი მომდევნო თამაშებს ოპტიმისტურად ხვდება:

„დეკემბერში "ტიმიშოარა" ზედმეტად თავდაჯერებული გვეწვია და დარწმუნებული ვარ მომავალ თამაშებს უფრო მობილიზებური შეხვდება. მიუხედავად იმისა, რომ ხასიათი ვაჩვენეთ და ჩვენი გულშემატკივრის მხარდაჭერით ერთი თვის წინ მეტოქე დავამარცხეთ, რუმინელები კვლავაც რჩებიან ტურნირის მთავარ ფავორიტებად. წინ ორი ურთულესი შეხვედრა გველოდება. მეტოქე რევანშის ასაღებად ჩამოვა და ასეც რომ არა, გამარჯვებისთვის მხოლოდ ერთი თამაშის მოგება საკმარისი აღარაა.

მიუხედავად ამისა მომავალ თამაშებს ოპტიმისტურად ვხვდებით. "ტიმიშოარა" ჩვენზე გამოცდილი გუნდია, მაგრამ უშეცდომო არაა, ჩვენი კოზირების გამოყენებით სასურველი შედეგის მიღწევას ვეცდებით. თუ პირველ მატჩში მეტოქეს ორით მეტი ლელო გავუტანეთ, განმეორებით შეხვედრას კარგ პოზიციაში შევხვდებით. ჩვენ დავამტკიცეთ, რომ ნებისმიერ გუნდთან შეგვიძლია ჭიდილი და თუ ხელი ტრავმებმა არ შეგვიშალეს, წარმატების შანსი აუცილებლად გვექნება“.

რაგბის კავშირის პრესსამსახური


კომენტარები (6)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
11:07 | 10.01.2018
zangura (109)

და ქართველი მორაგბეები რო დაგემატებინათ არაა?? ნახევარი გუნდი ტრამვირებული გყავთ და რომელ ოპტიმიზზმზე მელაპარაკებით?!

18:04 | 10.01.2018
tokageo (45)

მეც იგივე კითხვა გამიჩნდა, ან რომელი უცხოელების დამატებას აპირებდნენ? 1 თვეში აპირებდნენ ტონგაში ან ფიჯიზე მობურთალების საქმეში ნახვას? ინგლისელ-ფრანგ-ირლანდიელს და არც რუსს ან რუმინელს ვიზა საქართველოში არ ჭირდება.
ბათუმელი ვარ და გული მტკივა, რომ მიუხედავად სხვებზე 2ჯერ მეტი დაფინანსებისა ბათუმში ფულის სათქვლეფად შტაბში უფრო მეტი ადამიანია, ვიდრე რაგბზე მზრუნველი და მოამაგე! მწვრთნელების კომპეტენცია კიდევ დიდი კითხვის ნიშნის ქვეშაა: ორი მოგებული თამაშის დათმობა (პირველში კაცნაკლულმა გუნდმა 3 ლელო დაგვიდო - სირცხვილი!!!) იტალიაში ჯერ ვერ მომინელებია. ასე მგონია რომ "აბა ბიჭებო, გადით მოედანზე და მიაწექით, თქვენებურად, ჯიგრები ხართ, იომეთ, თავყბა დაამტვრიეთ, ჩვენს სტილში მისცხეთ"ტაქტიკით თამაშობს გუნდი, ანუ სტრატეგიის გარეშე!

14:09 | 10.01.2018
tokageo (45)

მეც იგივე კითხვა გამიჩნდა, ან რომელი უცხოელების დამატებას აპირებდნენ? 1 თვეში აპირებდნენ ტონგაში ან ფიჯიზე მობურთალების საქმეში ნახვას? ინგლისელ-ფრანგ-ირლანდიელს და არც რუსს ან რუმინელს ვიზა საქართველოში არ ჭირდება.
ბათუმელი ვარ და გული მტკივა, რომ მიუხედავად სხვებზე 2ჯერ მეტი დაფინანსებისა ბათუმში ფულის სათქვლეფად შტაბში უფრო მეტი ადამიანია, ვიდრე რაგბზე მზრუნველი და მოამაგე! მწვრთნელების კომპეტენცია კიდევ დიდი კითხვის ნიშნის ქვეშაა: ორი მოგებული თამაშის დათმობა (პირველში კაცნაკლულმა გუნდმა 3 ლელო დაგვიდო - სირცხვილი!!!) იტალიაში ჯერ ვერ მომინელებია. ასე მგონია რომ "აბა ბიჭებო, გადით მოედანზე და მიაწექით, თქვენებურად, ჯიგრები ხართ, იომეთ, თავყბა დაამტვრიეთ, ჩვენს სტილში მისცხეთ"ტაქტიკით თამაშობს გუნდი, ანუ სტრატეგიის გარეშე!

14:56 | 10.01.2018
temuchin (431)

ამიტომ ვინც ფულს დებს იმან სანდო კაციც უნდა მიუჩინოს შტაბს ხარჯვის გასაკონტროლებლად. მე რომ ჩემეძლოს დაფინანსება კაპიკს არ შევარჩენდი მუქტად არავის. სხვანაირად ფეხბურთის ნაირ ჭაობს მივიღებთ.

23:17 | 09.01.2018
temuchin (431)

სავიზო პრობლემები თუ იყო, საშინაო თამაშში მაინც დავხვედროდით გაძლიერებულები, ისედაც კონცენტრაცია ხომ საშინაო თამაშზე კეთდება? სულ არაფერს ეს არ ჯობდა? არ მესმის ეს არგუმენტი..

23:11 | 09.01.2018
თორღვა პანკელი (387)

თქვენ ყოველთვის ბოლომდე იბრძვით ბიჭებო, გამარჯვებას გისურვებთ, რაგბი ჩვენი თამაშია.

21:44 | 09.01.2018
NIKA..01 (335)

განა ასე რთული იყო სავიზო ამბების მოგვარება?რა ქვეყანა ვართ ტო გავგიჟდები რა.

20:48 | 09.01.2018
პანტელეიმონი (1218)

თავს უნდა გადაახტეთ ბიჭებო და უნდა მოუგოთ ! ! !

ბათუმისათვის ! ! !

საქართველოსთვის ! ! !

18:45 | 09.01.2018
BEERTRANCE (1073)

წარმატებბეი

0.080737