ცნობილმა ფრანგულმა სარაგბო გამოცემამ “მიდი-ოლიმპიკმა” პრო დ2-ის მე-18 ტურის სიმბოლური გუნდი გამოაქვეყნა.

კვირის საუკეთესო თხუთმეტეულში მოხვდა “მასის” ქართველი ბურჯი ილია კაიკაციშვილი. მისმა გუნდმა პარასკევს საკუთარ მოედანზე “გრენობლი” დამაჯერებლად 37:14 დაამარცხა, ხოლო მასპინძელთა პირველმა ხაზმა იმდენად კარგად ითამაშა, რომ ორივე ბურჯი და კვაჭი სიმბოლურში მოხვდნენ. ილიამ 64-ე წუთამდე ითამაშა.

24 წლის მარჯვენა ბურჯი, რომელსაც საქართველოს ნაკრების მაისური ჯერ არ მოურგია, პრო დ2-ის კვირის გუნდში მე-16 ტურის შემდეგაც მოხვდა.

კაიკაციშვილის “მასის” 36 ქულა აქვს (8 მოგება და 10 მარცხი) და სატურნირო ცხრილში მე-12 ადგილს იკავებს.