“ჩიფსის” ახალმა მთავარმა მწვრთნელმა კოლინ კუპერმა 2018 წლის სუპერ რაგბისთვის 38-კაციანი განაცხადი დაასახელა.

“ბელადების” შემადგენლობაში ბევრი ნაცნობი სახეა. შვიდმა მოთამაშემ: ბროდი რეტალიკმა, დამიან მაკკენზიმ, სემ კეინმა, ნეპო ლაულალამ, კეინ ჰემესმა, ნათან ჰარისმა და ენტონ ლინერტ-ბრაუნმა გასულ წელს ახალი ზელანდიის ნაკრებში ითამაშეს და რაგბი ჩემპიონშიპის (4 ერის) მოგებაში ღირსეული წვლილი შეიტანეს. გარდა ამისა, დამიან მაკკენზი, 2017 წლის სუპერ რაგბის საუკეთესო მოთამაშეა.

ჰამილტონური ფრანჩიზის განაცხადი ასეთია:

შერკინება

ბურჯები: ეიდან როსი, ეტუნაისა მოლი, კეინ ჰემესი, მიტჩელ გრემი, ნეპო ლაულალა, სოსეფო კაუტაი;
კვაჭები: ლიამ პოლუარტი, ნათან ჰარისი, სემისონი ტაუკეი’აჰო;
მეორე ხაზი: ბროდი რეტალიკი, დომინიკ ბირდი, ფინ ჰოეატა, მაიკლ ელარდაისი;
მესამე ხაზი: ლეჩლენ ბოშერი, ლიამ მესემი, ლუკ იაკობსონი, მიტჩელ ბრაუნი, მიტჩელ კერპიკი, სემ კეინი, ტალენი სეუ, ტაილერ არდრონი;

უკანა ხაზი

ჰავბექები: ბრედ ვებერი, ჯონათან ტაუმატეინე, ტე ტოიროა ტაჰურიორანგი;
მგეზავები: მერტი მაკკენზი, ტიაან ფალკონი, შონ სტივენსონი;
შუამარბები: ალექს ნენკიველი, ენტონ ლინერტ-ბრაუნი, ჩარლი ნგეტაი, ჯონათან ფა’აული, რეგან ვერნი, ლევი აუმუა;
ფრთები: სოლომონ ალაიმალო, ტონი პულუ;
ფულბექები: დამიან მაკკენზი, ტიმ ნენაი-უილიამსი, სემ მაკნიკოლი.

შეგახსენებთ, რომ 2018 წლის სუპერ რაგბი სტარტს 17 თებერვალს აიღებს.