‘ბათუმის’ სამწვრთნელო შტაბმა ევროპული რაგბის ‘კონტინენტის ფარის’ ჯგუფური ეტაპის დასკვნითი შეხვედრისთვის, წინა მატჩთან შედარებით სასტარტო 15-ში ერთი ცვლილება განახორციელა.

ხვალ ზღვისპირელები რუმინეთის ჩემპიონ ‘ტიმიშოარა-სარასენსს’ ‘რაგბი არენაზე’ დაუხვდებიან ბათუმში (ლეონიძის 2) და გამარჯვების შემთხვევაში ფლეი ოფში თამაშს გაინაღდებენ, სხვა შემთხვევაში კი, მდევრების შედეგებისთვის მოუწევთ ლოდინი. ტურნირის მთავარ ფავორიტთან მატჩი 15 საათზე დაიწყება და მასზე დასწრება თავისუფალია.

ერთი კვირის წინანდელ თამაშთან შედარებით, ერთადერთი ცვლილება უკანა ხაზში განხორციელდა და გარემარბად თამაშს გიორგი გოგიტიძე იწყებს, რომელიც მარქაფიდან დაწინაურდა და ნიკა ნინიძეს ადგილი გაუცვალა.

მარქაფაში აღარაა გიორგი თედორაძე და თადარიგში მურმან ჯიჯავაძე გამოჩნდა, რომელსაც მოედანზე შესვლის შემთხვევაში ევრო ტურნირებში დებიუტი ექნება. თადარიგშია ირაკლი კვანტიძე. მან ‘ვიადანასთან’ მხარი დაიზიანა, თუმცა მომავალი თამაშის მნიშვნელობიდან გამომდინარე საჭიროების შემთხვევაში შეცვლაზე შევა.

კონტინენტის ფარი | IV ტური

16 დეკემბერი. ბათუმი. „რაგბი არენა“. 15 საათი

ხაზი (ბექები): 15. ბახვა კობახიძე, 14. ალექსანდრე ტუჩაშვილი, 13. დავით ტრაპაიძე, 12. ბექა ურჯუკაშვილი, 11. გიორგი გოგიტიძე, 10. ლაშა ხმალაძე, 9. ზურაბ თუთბერიძე (კაპ.);

შერკინება (ფორვარდები): 1. ზურაბ ერისთავი, 2. ბექა მამრიკიშვილი, 3. ტარიელ დონაძე, 4. ამირან მიქაძე, 5. სანდრო ქოიავა, 6. ვანო ფუტკარაძე, 7. გიორგი თხილაიშვილი, 8. ხვიჩა ბუჯიაშვილი;

მარქაფა: 16. ირაკლი კვანტიძე, 17. მურმან ჯიჯავაძე, 18. შოთა გოგისვანიძე, 19. არჩილ ალიქაძე, 20. ჯონდი კორტავა, 21. დურმიშხან ჯაბნიძე, 22. ნიკა ნინიძე, 23. ნუკრი ფერსელიძე.

რაგბის კავშირის პრესსამსახური