საქართველოს ნაკრების მესამეხაზელმა გიორგი ცუცქირიძემ “ორიაკთან” სამწლიანი ხელშეკრულება გააფორმა. აღნიშნული ინფორმაცია ფრანგული კლუბის ოფიციალურმა ვებგვერდმა დაადასტურა.

21 წლის მორაგბის კონტრაქტის პირველი სეზონი (2018-2019) ესპუარებს მოიცავს, ხოლო მომდევნო ორი სეზონი (2019-2020 და 2020-2021) პროფესიონალურია.

ცუცქირიძე 2015-2017 წლებში “ბრივში” ირიცხებოდა, ხოლო საქართველოს ნაკრებში დებიუტი 2017 წელს ჰქონდა და მას შემდეგ 6 სანაკრებო კეპი მოიხვეჭა.

შეგახსენებთ, რომ “ორიაკში” საქართველოს ნაკრების კაპიტანი მერაბ შარიქაძე და ბურჯი ნიკოლოზ ხატიაშვილი თამაშობენ. კლუბი 16 ტურის შემდეგ პრო დ2-ში 30 ქულით მე-10 ადგილზეა და საპლეიოფო ზონას 10 ქულით ჩამორჩება.