ჩემპიონატები

22:30 | 13.12.2017 | ნანახია 1053 - ჯერ

რიდი ოთხ თვეს გამოტოვებს

ახალი ზელანდიის ნაკრების კაპიტანი კირან რიდი ტრავმირებულია. 32 წლის უკანახაზელს ზურგი აწუხებს, ოპერაციის გაკეთება მოუწევს და ამის გამო, ოთხი თვის განმავლობაში ვერ შეძლებს თამაშს.

“კირანს ოპერაციის გაკეთება მოუწევს. ეს გადაწყვეტილება “კრუსეიდერსის” და “ოლ ბლექსის” სამედიცინო შტაბმა ერთობლივად მიიღო და მის სარეაბილიტაციო პროცესსაც ერთად მიაქცევენ ყურადღებას, რომელიც დაახლოებით ოთხ თვეს გასტანს”, - წერია “კრუსეიდერსის” განცხადებაში.

შეგახსენებთ, რომ 32 წლის 8 ნომერმა დაზიანება შემოდგომის ტესტების ბოლოს მიიღო და უელსთან ვერ ითამაშა. კირანს 2018 წლის სუპერ რაგბის დასაწყისის გამოტოვება მოუწევს.

რიდი “კივების” რიგებში 2008 წლიდან თამაშობს, ამ დროის განმავლობაში 109 სანაკრებო კეპი მოიხვეჭა და 23 ლელოს გატანა მოახერხა. “კრუსეიდერსის” ღირსებას კი 2007 წლიდან იცავს და სუპერ რაგბიში ჩატარებულ 140 მატჩში მეტოქეები 25-ჯერ დაალელოვა.


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.104917