ჩემპიონატები

23:45 | 11.12.2017 | ნანახია 1235 - ჯერ

“ლა როშელმა” “ოლ ბლექსის” ჰავბექი დაიმატა

ახალი ზელანდიის ნაკრების ჰავბექი ტავერა ქერ-ბარლოუ კარიერას “ლა როშელში” განაგრძობს. აღნიშნული ინფორმაცია ტოპ 14-ის ბინადრის ოფიციალურმა ვებგვერდმა დაადასტურა.

27 წლის მორაგბე საფრანგეთში რამდენიმე დღის წინ ჩაფრინდა და კლუბთან კონტრაქტი გააფორმა.

ავსტრალიაში დაბადებული მოთამაშე “ოლ ბლექსის” მესამე ჰავბექი გახლდათ. როგორც მოგეხსენებათ, “კივების” ძირითადი 9 ნომრები აარონ სმიტი და ტიჯეი პერენარა არიან. ტავერამ მთლიანობაში 28 სანაკრებო კეპი მოიხვეჭა და 2 ლელო გაიტანა.

რაც შეეხება საკლუბო დონეს, ის 2011 წლიდან “ჩიფსის” ღირსებას იცავდა და სუპერ რაგბიში ჩატარებულ 82 მატჩში 10 ლელოს დადება მოახერხა.


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.105757