ირლანდიის ნაკრების და “მანსტერის” ერთ-ერთი ლიდერის სიჯეი სტენდერის შეძენა ფრანგულ “მონპელიეს” სურს.

გავრცელებული ინფორმაციის თანახმად, ტოპ 14-ის წარმომადგენელი სამხრეთ აფრიკაში დაბადებული მესამეხაზელით სერიოზულადაა დაინტერესებული და სარფიან კონტრაქტს სთავაზობს. გარდა ამისა, ჯერჯერობით სტენდერი და “მანსტერი” ახალ ხელშეკრულებაზე ვერ თანხმდებიან.

ცნობისთვის, 27 წლის მორაგბე “მანსტერის” ღირსებას 2012 წლიდან იცავს და 103 მატჩში 31 ლელო აქვს გატანილი. ის ირლანდიის ნაკრებში 2016 წელს გამოჩნდა, მას შემდეგ “სამყურების” კვართი 18-ჯერ მოირგო და 7 ლელო დადო.