“გლოსტერის” მესამეხაზელი რუან აკერმანი ავივა პრემიერშიფის ნოემბრის საუკეთესო მორაგბედ დაასახელეს.

სამხრეთ აფრიკელმა მორაგბემ გასულ თვეს ინგლისის ჩემპიონატში ორჯერ ითამაშა (სულ ორი ტური ჩატარდა ნოემბერში), სულ კი მიმდინარე სეზონში 11 მატჩის ჩატარება მოასწრო და 1 ლელო გაიტანა.

შეგახსენებთ, რომ 21 წლის მოთამაშე “გლოსტერს” გასულ ზაფხულს “ლაიონსიდან” შეუერთდა, სადაც 2015-2015 წლებში თამაშობდა და სუპერ რაგბიში ჩატარებულ 33 მატჩში მეტოქეები 6-ჯერ დაალელოვა.

ცნობისთვის, რუანის მამა, იოჰან აკერმანი “გლოსტერის” მთავარი მწვრთნელია და ინგლისურ კლუბში ისიც გასულ ზაფხულს “ლაიონსიდან” გადავიდა.