ინგლისის ნაკრების ბურჯი ელის გენგი 2018 წლის 6 ერის ჩემპიონატს გამოტოვებს. “ლესტერ ტაიგერსის” მორაგბე ავივა პრემიერშიფის უკანასკნელ ტურში, “უოსპსისთან” გასვლაზე წაგებული შეხვედრის პირველ ტაიმში მძიმედ დაშავდა.

“ვეფხვების” მთავარმა მწვრთნელმა მეთ ო’ოკონორმა აღნიშნა, რომ 22 წლის მოთამაშე საოპერაციოა და რამდენიმე თვის განმავლობაში ვერ შეძლებს თამაშს.

“ლესტერ ტაიგერსმა” უკვე დაიჭირა თადარიგი და 35 წლის იტალიელი ბურჯი მიჩელ რიცო დაიბრუნა, რომელიც “ედინბურგში” ჰყავდათ განათხოვრებული.

ცნობისთვის, გენგი “ლესტერში” 2016 წლიდან თამაშობს და 46 მატჩში 6 ლელო აქვს გატანილი. ინგლისის ნაკრებში დებიუტი 2016 წლის ზაფხულში ჰქონდა და მას შემდეგ “წითელი ვარდების” კვართი 5-ჯერ მოირგო.