ახალგაზრდა ქართველმა ბურჯმა ბექა კაკაბაძემ საფრანგეთის ჩემპიონ „კლერმონთან“ ახალი, 3-წლიანი კონტრაქტი გააფორმა.

1995 წლის 7 სექტემბერს დაბადებულ კაკაბაძეს საქართველოს 16, 18 და 20-წლამდელთა ნაკრებებში უთამაშია. ის საფრანგეთის ესპუარების ჩემპიონია და პირველ გუნდში წელს დაწინაურდა. ბექამ ტოპ 14-ის 6 მატჩში მიიღო მონაწილეობა და მოედანზე ჯამში 105 წუთი გაატარა. მან კლუბთან 3-წლიანი კონტრაქტი გააფორმა, რომლის მიხედვითაც 1 წელი ესპუარების, ხოლო 2 პროფესიულია.

ახალ კონტრაქტთან დაკავშირებით კლუბის სპორტულმა დირექტორმა ფრანკ აზემამ თქვა:

„ყველა ჯერზე, როცა მას შანსი მივეცით, ბექამ დაამტკიცა, რომ მისი ნდობა შეიძლება. ეს კონტრაქტი ჩვენი სასწავლო ცენტრის მაღალი დონის დადასტურებაა. ჩვენთვის მნიშვნელოვანია, რომ გუნდის სიძლიერე ჩვენივე აღზრდილი მორაგბეების საშუალებით შევინარჩუნოთ“.