მსოფლიო რაგბის სადისციპლინო კომიტეტმა, ავსტრალიის ნაკრების ბურჯს სეკოპე კეპუს სამკვირიანი დისკვალიფიკაცია გამოუწერა.

“ვოლაბების” გამოცდილმა მოთამაშემ შაბათს შოტლანდიასთან წაგებული (24:53) შეხვედრის 39-ე წუთზე ჰემიშ უოტსონის წინააღმდეგ ძალიან უხეშად ითამაშა და წითელი ბარათი დაიმსახურა. თუმცა, ზემოაღნიშნულმა ორგანიზაციამ ჩათვალა, რომ ეს სასჯელი საკმარისი არ იყო და 31 წლის ბურჯის წინააღმდეგ უფრო მკაცრი სანქცია გატარდა.

ცნობისთვის, კეპუ ავსტრალიის ნაკრებში 2008 წლიდან თამაშობს, ამ დროის განმავლობაში 93 სანაკრებო კეპი მოიხვეჭა და 4 ლელო გაიტანა.