უელსის ნაკრების მთავარმა მწვრთნელმა უორენ გეტლანდმა შემოდგომის ტესტებისთვის 36 მოთამაშეს უხმო.

54 წლის სპეციალისტმა 20 მორკინალი და 16 უკანახაზელი გამოიძახა. “დრაკონების” რიგებში ხუთი დებიუტანტია, ხოლო ბრიტანელი და ირლანდიელი ლომების 2017 წლის გუნდიდან ცხრა მორაგბე ითამაშებს: კენ ოუენსი, ალან ვინ ჯონსი, ჯასტინ ტიპურიკი, ტაულუპე ფალეტაუ, რის ვები, დენ ბიგარი, ჯონათან დევისი, ლი ჰალფპენი და ლიამ უილიამსი.

რაც შეეხება ტრავმირებულებს, უელსელებს ამ მიზეზით ჯორჯ ნორთი, სემ უორბარტონი, ელის ჯენკინსი, გეთინ ჯენკინსი, გარეთ ენსკომბი, სკოტ ბალდუინი და როს მორიარტი ვერ დაეხმარებიან.

შერკინება: რობ ევანსი (“სკარლეტსი”, 17 კეპი), ვინ ჯონსი (“სკარლეტსი”, 2), ნიკი სმიტი (“ოსპრეიზი”, 14), ლეონ ბრაუნი (“დრაგონსი”, 0), ტომას ფრანცისი (“ექსეტერ ჩიფსი”, ინგლისი, 23), სამსონ ლი (“სკარლეტსი”, 34), კრისტიან დესი (“კარდიფ ბლუზი”, 4), ელიოტ დი (“დრაგონსი”, 0), კენ ოუენსი (“სკარლეტსი”, 50), ჯეკ ბელი (“სკარლეტსი”, 26), ადამ ბეარდი (“ოსპრეიზი”, 1), სებ დევისი (“კარდიფ ბლუზი”, 2), კორი ჰილი (“დრაგონსი”, 6), ალან ვინ ჯონსი (“ოსპრეიზი”, კაპიტანი, 110), სემ კროსი (“ოსპრეიზი”, 0), ტაულუპე ფალეტაუ (“ბათი”, ინგლისი, 66), დენ ლიდიეტი (“ოსპრეიზი”, 60), ჯოშ ნავიდი (“კარდიფ ბლუზი”, 3), აარონ შინგლერი (“სკარლეტსი”, 10), ჯასტინ ტიპურიკი (“ოსპრეიზი”, 51);

უკანა ხაზი: ალედ დევისი (“სკარლეტსი”, 2), გარეტ დევისი (“სკარლეტსი”, 25), რის ვები (“ოსპრეიზი”, 28), დენ ბიგარი (“ოსპრეიზი”, 56), რის პატჩელი (“სკარლეტსი”, 4), რის პრისტლენდი (“ბათი”, ინგლისი, 48), ოუენ უილიამსი (“გლოსტერი”, ინგლისი, 1), ჯონათან დევისი (“სკარლეტსი”, 64), ტაილერ მორგანი (“დრაგონსი”, 4), ჰადლი პარკსი (“სკარლეტსი”, 0), ოუენ უატკინი (“ოსპრეიზი”, 0), ჰალემ ამოსი (“დრაგონსი”, 11), ალექს კატბერტი (“კარდიფ ბლუზი”, 46), სტეფან ევანსი (“სკარლეტსი”, 2), ლი ჰალფპენი (“სკარლეტსი”, 71), ლიამ უილიამსი (“სარასენსი”, ინგლისი, 43).

როგორც იცით, უელსის ნაკრები 18 ნოემბერს “ფრინსიფალითი სთედიუმზე” საქართველოს ნაკრებს უმასპინძლებს. “ბორჯღალოსნებთან” შეხვედრის გარდა, “დრაკონები” კიდევ სამ საშინაო ტესტს გამართავენ: 11 ნოემბერს ავსტრალიას მიიღებენ, 25-ში ახალზელანდიას უმასპინძლებენ, ხოლო 2 დეკემბერს სამხრეთ აფრიკის ნაკრებს დაუხვდებიან.