“ოლსტერის” სამხრეთაფრიკელი მესამეხაზელი მარსელ კუცია ტრავმის გამო, თამაშს ცხრა თვის განმალობაში ვერ შეძლებს. BBC–ის ცნობით, 26 წლის მორაგბეს მარცხენა მუხლი აქვს დაზიანებული და საოპერაციოა.

კუცია ირლანდიურ კლუბს 2016 წელს შეუერთდა, თუმცა ამ დროის განმალობაში ტრავმის გამო “ოლსტერის” მაისურით მხოლოდ ხუთჯერ ითამაშა. მან მიმდინარე სეზონში მინდორზე მხოლოდ 52 წუთი დაჰყო და ერთი ლელოს გატანა მოახერხა.

მარსელს “ოლსტერთან” მოქმედი ხელშეკრულება 2019 წლამდე აკავშირებს. ის კლუბს ზაფხულში, მომავალი სეზონისთვის მოსამზადებელ პერიოდში დაუბრუნდება.

ცნობისთვის, 26 წლის ფლანკერს სამხრეთ აფრიკის ნაკრებში 28-ჯერ აქვს ნათამაშები და 6 ლელო აქვს დადებული.