დღეს, თბილისის დროით 22:45-ზე, საფრანგეთში ადგილობრივი „პო“ ინგლისურ „გლოსტერს“ დაუპირისპირდება და ამით 2017-2018 წლების საევროთასო სეზონი გახსნილად გამოცხადდება. ხსენებული მატჩი ჩელენჯ კაპის (გამოწვევის თასი) ეგიდით გაიმართება, ხოლო პარასკევს, იგივე დროს, დაიწყება ირლანდიური „ოლსტერისა“ და ინგლისური „უოსპსის“ ჯახი, რომელიც დასაბამს ევროპის რაგბის ჩემპიონთა თასის გათამაშებას დაუდებს.

მართალია, ხსენებული 4 გუნდის შემადგენლობაში ქართველებს ვერ ვიხილავთ, მაგრამ ჩვენი მორაგბეები ევროთასების მონაწილე სხვა გუნდებში მაინც უხვად არიან. ყოველ შემთხვევაში, ჩემპიონთა თასის განაცხადებში 11 ჩვენებურია, ჩელენჯ კაპზე - 19, ხოლო კონტინენტური ფარისთვის სულაც ქართული კლუბი იბრძოლებს - „ბათუმი“, რომელსაც იტალიაში, „როვიგოსთან“ სასტარტო მატჩი შაბათს ელის.

ქვემოთ გთავაზობთ ევროპის საკლუბო ტურნირებში მონაწილე ქართველი ლეგიონერების სრულ ჩამონათვალს:

ჩემპიონთა თასი

„კლერმონი“: ოთარ გიორგაძე, ვიქტორ კოლელიშვილი, დავით ზირაქაშვილი

„ლა როშელი“: ლექსო ყაულაშვილი

„მონპელიე“: დავით ქუბრიაშვილი, კონსტანტინე მიქაუტაძე, მიხეილ ნარიაშვილი

„რასინგი“: ვასილ კაკოვინი

„ტულონი“: ბადრი ალხაზაშვილი, ლევან ჩილაჩავა, მამუკა გორგოძე

ჩელენჯ კაპი

„აჟენი“: ვახტანგ ახობაძე

„ბორდო“: ლაშა ტაბიძე

„ბრივი“: კარლენ ასიეშვილი, სოსო ბეკოშვილი, ვასილ ლობჟანიძე

„კარდიფ ბლუზი“: ანტონ ფეიქრიშვილი

„ენისეი“: მიხეილ გაჩეჩილაძე, დავით კაჭარავა

„კრასნი იარი“: ჯაბა ბრეგვაძე, ლაშა მალაღურაძე, გიორგი ფრუიძე, მიხეილ წიკლაური

„ლონდონ აირიში“: ლაშა ლომიძე

„ლიონი“: თორნიკე მატარაძე, გურამ პაპიძე

„ოიონა“: ირაკლი მირცხულავა, გიორგი ვეფხვაძე

„სტად ფრანსე“: გიორგი მელიქიძე, ზურაბ ჟვანია