მატჩის დებიუტში თბილისის "არმაზმა" ორი ლელო გაუშვა და 0:12 ჩამორჩა, მერე 5 ლელო გაიტანა და 33:12 მოგებით ბონუს-ქულაც ჩაიწერა.

სანამ მასპინძლები დალაგდებოდნენ, კონტრშეტევაზე ორი ლელო მიიღეს: მათ ჯერ ფეხით გადაკიდებულზე ითამაშეს უყურადღებოდ და მურმან საკანდელიძემ ლელო გაიტანა, ხოლო შემდეგ კონტრშეტევისას ჯუმბერ ბალანჩივაძემ იყოჩაღა. ზვიად ოდიშარიამ ერთი გარდასახა, მაგრამ "არმაზმა" წონასწორობა 5 წუთში აღადგინა: ჯერ ნიკა გიგაური გაექცა მცველებს მარტივად, მერე სტუმრებმა კიდევ ერთი შეცდომა დაუშვეს და და გიორგი კვესელაძის ლელო რეზი ჯინჭველაშვილმა გარდასახა - 12:12.

მეორე ტაიმის დებიუტში "არმაზმა" უპირატესობა მოიპოვა და დერეფნიდან დაწყებული კომბინაცია ნიკა წიკლაურის ლელოთი დასრულდა, ხოლო 55-ე წუთზე ბურთი ბექა გუგეშაშვილმა დაამიწა და ჯინჭველაშვილის გარდასახვის შემდეგ, ანგარიში 26:12 გახდა. "ბაგრატის" მცდელობებმა შედეგი რომ ვერ გამოიღო, "არმაზმა" საკუთარი შანსით ისარგებლა და ვაჟა თაგაურის ლელოთი ბონუსს შეწვდა, ხოლო ჯინჭველაშვილმა საბოლოო შედეგი დააფიქსირა.

საქართველოს რაგბის კავშირის პრესსამსახური