“სანზაარმა” 2018 წლის სუპერ რაგბის ფორმატი დაამტკიცა. “ზე რაგბი” ახალ სეზონს არაერთი ცვლილებით ხვდება.

გათამაშიდან გარიცხეს ავსტრალიური “ვესტერნ ფორსი” და სამხრეთაფრიკული “ჩიტასი” და “საუთერნ კინგზი”. შესაბამისად, ახალ სეზონში 15 კლუბი მიიღებს მონაწილეობას, რომლებიც სამ კონფერენციაში ასე იქნებიან გადანაწილებულნი – ახალი ზელანდიის კონფერენცია: “კრუსეიდერსი”, “ჰარიკეინსი”, “ბლუზი”, “ჰაილენდერსი”, “ჩიფსი”; ავსტრალიის კონფერენცია: “ბრამბიზი”, “რებელსი” “ქუინსლენდ რედსი”, “ვორათაზი”, “სანვულვზი” (იაპონია); სამხრეთ აფრიკის კონფერენცია: “ბულსი”, “ლაიონსი”, “შარქსი”, “სტორმერსი”, “ხაგუარესი” (არგენტინა).

რეგულარულ ჩემპიონატში სულ 120 შეხვედრა გაიმართება და თითოეული გუნდი 16 შეხვედრას ჩაატარებს. რვა მატჩს საკუთარ მოედანზე ითამაშებენ და ამდენივე გასვლა მოუწევთ. უფრო ზუსტად რომ ვთქვათ, ყოველი გუნდი საკუთარ თანაკონფერენციელებს ორჯერ ეთამაშება (შინ და გასვლა), ხოლო სხვა კონფერენციებიდან მხოლოდ ოთხ-ოთხ გუნდთან მოუწევთ თამაში (ორთან შინ და ორთან გასვლა).

ფლეი-ოფში კი რვა გუნდი მიიღებს მონაწილეობას და შვიდი შეხვედრა შედგება.

2018 წლის სუპერ რაგბი სტარტს 17 თებერვალს აიღებს და 4 აგვისტოს ფინალური შეხვედრით დასრულდება.

2018 წლის სუპერ რაგბის კალენდარი