ჩემპიონატები

23:08 | 18.09.2017 | ნანახია 3464 - ჯერ

ჯორჯ კლენსის გულშემატკივარმა ლუდი შეასხა (+VIDEO)

რაგბისთვის შეუფერებელი ინციდენტი მოხდა პრო 14-ის მესამე ტურის დაპირისპირდებაში. “კარდიფ ბლუზის” და “გლაზგო უორსიორსის” მატჩის (19:20) მიმდინარეობისას, მსაჯობით უკმაყოფილო მასპინძელთა ერთ-ერთმა გულშემატკივარმა გვერდით არბიტრს ჯორჯ კლენსის ლუდი შეასხა.

აღნიშნული ეპოზოდი კამერებმა კარგად დააფიქსირეს და კლუბის ხელმძღვანელობამ უმალ დამნაშავის იდენტიფიცირებაზე დაიწყო მუშაობა. უელსური კლუბი გულშემატკივრის მკაცრად დასჯას გეგმავს და დიდი ალბათობით, “კარფიფ ბლუზის” საშინაო მატჩებზე დასწრებას სამუდამოდ აუკრძალავს.

“თამაშის შემდეგ ჯორჯ კლენსის შევხვდი და კლუბის სახელით ბოდიში მოვუხადე, რაც მან დადებითად მიიღო. ეს ძალიან სერიოზული ინციდენტია და დიდი შანსია, დამნაშავეს ჩვენს სტადიონზე შემოსვლა სამუდამოდ ავუკრძალოთ.

ამ ეტაპზე ამას სერიოზულად განვიხილავთ. ამგვარი ქცევების ადგილი რაგბში არ არის და მალე საჭირო გადაწყვეტილებას მივიღებთ”, - განაცხადა უელსური კლუბის აღმასრულებელმა დირექტორმა რიჩარდ ჰოლანდმა.

40 წლის ირლანდიელი მსაჯი ქართველ გულშემატკივარს კარგად ემახსოვრება. მან 2015 წლის მსოფლიო თასზე საქართველოსა და ნამიბიის მატჩში (17:16) იმსაჯა და თავისი არაობიექტური გადაწყვეტილებებით “ბორჯღალოსნებს” კინაღამ წააგებინა, ხოლო გასულ სეზონში დიდი 10-ის წინასწარ ფინალს გაუძღვა, სადაც ერთმანეთს “ბათუმი” და “ლელო” დაუპირისპირდნენ.


კომენტარები (4)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
13:28 | 21.09.2017
ზებე (86)

ამას ლუდი კიარა უნდა დააკუკო თავზე

22:13 | 19.09.2017
პანტელეიმონი (1217)

მაიმუნო ვირიშვილო ! ! !

09:17 | 19.09.2017
ირაკლი1986 (18)

ლუდი კიდე არაუშავს მეტის ღისრსია....მაგრამ რაგბი ასეთ საქციელს არ ცნობს მოედანზე.ისე ეს რო პირწავარდნილი უნამუსოა და ლამის გაგვწირა ნამიბიასთან ყველა ქართველმა ვიცით........

00:01 | 19.09.2017
BEERTRANCE (1073)

აშკარად დაიმსახურებდა

0.115101