ბორჯღალოსანმა დავით კაჭარავამ "ვვა-პოდმოსკოვიეს" რუსეთის თასის ფინალში ორი ლელო დაუდო და "ენისეი-სტმ"-ს 26:19 მოაგებინა.

2017 წლის თასის ფინალური შეხვედრა დაძაბული გამოდგა. გადამწყვეტი უპირატესობა ვერცერთმა გუნდმა ვერ მოიპოვა და ასეთ პირობებში კაჭარავას გამოცდილება და სალელოვე ალღო გადამწყვეტი აღმოჩნდა.

ქართველმა შუამარბმა პირველი ლელო 31-ე წუთზე გაიტანა და საკუთარი გუნდი დააწინაურა: მან იური კუშნარიოვის დროული პასი შეირგო და ლელოში შესრიალდა, რის შემდეგაც "ენისეი" 10:3 დაწინაურდა.

"ვვა" არ გატყდა და მეორე ტაიმის შუაში ანგარიში გათანაბრდა (16:16), რის შემდეგაც საქმეში ისევ კაჭარავა ჩაერთო, მეტოქეს ფეხით მოგერიებისას დაუფარა და დუბლი მიითვალა. შეხვედრის დასრულებამდე გუნდებმა თითო ჯარიმა გაცვალეს, "ენისეიმ" თამაში 26:19 მოიგო და რუსეთის თასის მფლობელი გახდა.

კაჭარავა სასტარტო შემადგენლობაში იყო და სრულად ითამაშა. სრულად ითამაშა "ენისეის" მესამეხაზელმა მიხეილ გაჩეჩილაძემაც.