ჩემპიონატები

16:39 | 10.08.2017 | ნანახია 1148 - ჯერ

“გლოსტერი” “ლაიონსის” მესამეხაზელით გაძლიერდა

“გლოსტერმა” სამხრეთ აფრიკული “ლაიონსის” მესამეხაზელი რუან აკერმანი დაიმატა – წერს ინგლისური კლუბის ოფიციალური ვებგვერდი.

21 წლის მორაგბე “ლაიონსის” ძირითად გუნდში 2015/2016 წლების სეზონში გამოჩნდა. მას შემდეგ რუანმა სუპერ რაგბიში 33-ჯერ ითამაშა და საკუთარ გუნდს 30 ქულა მოუპოვა, ხოლო “ქარის თასზე” 9 შეხვედრა ჩაატარა და 5 ქულა მოიხვეჭა. ტრანსფერის დეტალების შესახებ “გლოსტერის” ოფიციალურ განაცხადებაში არაფერია ნახსენები.

აკერმანს სანაკრებო დონეზე სამხრეთ აფრიკის “ა” ნაკრებში 2-ჯერ აქვს ნათამაშები, ხოლო 2016 წელს “ბარბაროსების” რიგებშიც გაისარჯა.

აღსანიშნავია, რომ ტრანსფერში დიდი წვლილი მიუძღვის რუანის მამას – იოჰან აკერმანს. ის 2013 წლიდან “ლაიონსის” მთავარი მწვრთნელი იყო, თუმცა ახალი სეზონიდან “გლოსტერში” იმუშავებს და შვილიც ახალ კლუბში იახლა.


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.09513