ვიდრე ბორჯღალოსნები დასავლეთ ნახევარსფეროში ივნისის ტესტების მესამე ნაწილისთვის, არგენტინასთან ჯახისთვის ემზადებიან, მილტონ ჰეიგის მიერ შეკრებაზე დაწუნებულმა და ამერიკაში არწაყვანილმა მიხეილ გაჩეჩილაძემ ხეთ-თრიკი გამოაცხო.

რუსეთის თასის მეოთხედფინალურ ეტაპზე „ენისეი“ პენზას ესტუმრა, სადაც ადგილობრივი „იმპერია“ 43:10 გაანადგურა. კრასნოიარსკელებმა 7 ლელო გაიტანეს მასპინძელთა ერთის წილ, და ამ 7 ლელოდან 3 გაცეჩილაძემ მიითვალა. ციმბირული გუნდის ქართველმა 8 ნომერმა ჰეთ-თრიკი უკვე პირველი ტაიმის მიწურულს გაიფორმა და ფაქტობრივად საფუძველი ჩაუყარა თავისი გუნდის გამარჯვებას. კრასნოიარსკელები ნახევარფინალში გავიდნენ, სადაც თანაქალაქელ „კრასნი იარსა“ და ნოვოკუზნეცკის „მეტალურგს“ შორის უძლიერესს დაუპირისპირდებიან.

„ენისეი“ პენზაში ექპერიმენტული შემადგენლობით ჩავიდა, გუნდს ეროვნული ნაკრებების წევრები ვერ ეხმარებოდნენ - ვინც ზაფხულის ტესტებში მონაწილეობენ, მათ შორის აწ უკვე ცენტურიონი დავით კაჭარავაც, რომელიც ბორჯღალოსანთა შემადგენლობაში ზემოთ ხსენებულ ამერიკულ ტურნეზე იმყოფება.