ხვალ, 15:30 საათზე უმცროსი ბორჯღალოსნები არგენტინას მესხის სტადიონზე ერკინებიან. ესაა მსოფლიო რაგბის 20-წლამდელთა ჩემპიონატის მეოთხე მატჩში - მე-9 ადგილის ნახევარფინალი და გამარჯვების შემთხვევაში გაისად უძლიერესთა შორის თამაშს დავიბევებთ. შანსი მარცხის შემთხვევაშიც დარჩება, ოღონდ ბოლო თამაში აუცილებლად მოსაგები იქნება.
"პუმიტასს", რომელიც საქართველოში ტურნირის მოსაგებად ჩამოვიდა, სასტარტო მატჩი "ავჭალაზე" ვეთამაშეთ და დიდი ბრძოლის მიუხედავად თამაში 26:37 დავთმეთ. მას შემდეგ არგენტინა საფრანგეთთან ბოლო წუთზე მიღებული ლელოთი 25:26 დამარცხდა. სამხრეთამერიკელები თასის ნახევარფინალში გასვლის შანსს ისევ ინარჩუნებდნენ, თუმცა სამხრეთ აფრიკასთან დიდი სხვაობით წააგეს - 14:72.
შედეგად, მესამეადგილოსნებს შორის არგენტინას გატანილ-გაშვებულ ქულებში ყველაზე ცუდი მაჩვენებელი დაუგროვდა (-48), 6 ქულით ჩამორჩა იტალიას (-42) და მე-9 ადგილის ნახევარფინალში სავარაუდო მეტოქეებიდან უარესი გვერგო.
„შესაძლო ვარიანტებიდან არგენტინა ყველაზე რთული მეტოქეა. ესაა ძალიან მაღალი დონის გუნდი, რომელიც დიდი ხანია ამ დონეზე თამაშობს. არგენტინელები სწრაფ რაგბს თამაშობენ, რასთან ადაპტირებაც ჩვენ ძალიან გვიჭირს. მართალია ეს გუნდი გასულ მატჩში სამხრეთ აფრიკასთან დიდი სხვაობით დამარცხდა, მაგრამ ამან არ უნდა მოგვატყუოს. რაგბში ასეთი რამ ხდება და როგორც წესი, მომდევნო თამაშში გუნდი მოედანზე ორმაგი გაშმაგებით გადის“ - ამბობს უმცროსი ბორჯღალოსნების მწვრთნელი ლადო კილასონია.
დასვენებული შემადგენლობით
ჯგუფური ეტაპის დასკვნითი მატჩი საფრანგეთთან დიდი სხვაობით დათმო ჩვენმა გუნდმაც (0:54). რადგან სატურნირო თვალსაზრისით ამ თამაშის შედეგს მნიშვნელობა აღარ ჰქონდა, მწვრთნელებმა ლიდერებს დასვენების საშუალება მისცეს მოედანზე უახლოესი რეზერვი გაიყვანეს.
ახლა სიტუაცია შეცვლილია და სასტარტო შემადგენლობაში 12 დასვენებული მოთამაშე ბრუნდება. საფრანგეთთან ძირითადში იყვნენ და თამაშს ახლაც იწყებენ გარემარბი აკაკი ტაბუცაძე, შუამარბი ბეჟან გავაშელიშვილი და შერკინების მესამეხაზელი თორნიკე ჯალაღონია.
ახლანდელი რაზმი ახლოსაა იმ შემადგენლობასთან, რომელმაც არგენტინასთან ტურნირის სტარტზე ითამაშა. 12 მორაგბე, რომლებიც 31 მაისს ძირითადში იყვნენ, ახლაც სასტარტოში არიან. იმ მატჩში დაშავდა და ტურნირს დაემშვიდობა ლადო მიმინოშვილი (ცვლის ტაბუცაძე), შუამარბად გიორგი წიკლაურის ნაცვლად თამაშს გიორგი კვესელაძე იწყებს (31 მაისს მიმინოშვილი შეცვალა), ხოლო შერკინების მესამე ხაზში გიორგი ნუცუბიძის ნაცვლად თორნიკე ჯალაღონია დადგება.
კილასონია შემადგენლობასა და მომავალი მატჩის მოლოდინებზე გვესაუბრა:
„ამ გადასახედიდან აღდგენამ კარგად ჩაიარა და დასვენებულები ვართ, შემადგენლობაც ნორმალურია, სერიოზული ტრავმები არ გვაქვს, თუმცა დანარჩენი უშუალოდ მოედანზე გამოჩნდება. ველით, რომ არგენტინა თამაშის გაშლას ეცდება და იმ ზონებში შემოგვიტევს, სადაც პირველ მატჩში პრობლემები გვქონდა. ჩვენის მხრივ, უნდა დავხვეწოთ დეტალები. ველით, რომ ბევრად უკეთეს თამაშს ვაჩვენებთ, ვიდრე საფრანგეთთან“.
ზურგი გავუმაგროთ უმცროს ბორჯღალოსნებს
წინა თამაშისგან განსხვავებით, ამჯერად არგენტინას ‘მიხეილ მესხზე’ ვერკინებით, რომელიც 24 ათას მაყურებელს იტევს ("ავჭალა" - 4 ათასი). მნიშვნელოვანია, რომ ქომაგი ტრიბუნებზე მრავლად მივიდეს და მხარში დაუდგეს უმცროს ბორჯღალოსნებს, რადგან გულშემატკივრის შეძახილები არაერთხელ ყოფილა გამარჯვების საწინდარი:
„სავსე ტრიბუნები და შეძახილები გვმატებს სტიმულს, მონდომებას, თამაშით მიღებული სიამოვნების გრძნობას, პასუხისმგებლობას, იმედს, რომ შენს უკან მოედანს მიღმაც შენიანები დგანან და ზურგს გიმაგრებენ. ხშირ შემთხვევაში მაყურებლის როლი გადამწყვეტია და ხვალ მათი თანადგომის იმედი გვაქვს“ - ამბობს კილასონია.
„ავჭალისგან“ განსხვავებით, სადაც დღეში 4 თამაში იმართებოდა, ხვალ "მიხეილ მესხზე" 3 თამაშია (უმცროსი ბორჯღალოსნების მატჩის შემდეგ თასის ნახევარფინალებია: 18 საათზე ინგლისი - სამხრეთ აფრიკა; 20:30 საათზე ახალი ზელანდია - საფრანგეთი). შესაბამისად, დღის ბილეთის ფასი 15 ლარია. გარდა ამისა, იყიდება 5 ლარიანი ბილეთებიც.
ერთად ვუქომოგოთ უმცროს ბორჯღალოსნებს!
მსოფლიო რაგბის 20-წლამდელთა ჩემპიონატი
თბილისი. "მიხეილ მესხი". 15:30
საქართველო - არგენტინა
საქართველო: 15. მირიან მოდებაძე, 14. აკაკი ტაბუცაძე, 13. ბეჟან გავაშელიშვილი, 12. გიორგი კვესელაძე, 11. დავით მესხი, 10. თედო აბჟანდაძე, 9. გელა აფრასიძე; 1. გურამ გოგიჩაშვილი, 2. ლევან პაპიძე, 3. ლაშა ტაბიძე, 4. ბექა საღინაძე, 5. კობა ჯიმშელეიშვილი, 6. თორნიკე ჯალაღონია, 7. ილია სპანდერაშვილი (კაპ.), 8. არსენ მაჩალაძე.
მარქაფა: 16. ლევან ჭავჭავაძე, 17. უშანგი ჭეიშვილი, 18. გურამ პაპიძე, 19. ლაშა ჯაიანი, 20. ალექსანდრე კალმახელიძე, 21. ლუკა დვალიშვილი, 22. გიორგი წიკლაური, 23. ბექა მამუკაშვილი.
საქართველოს რაგბის კავშირის პრესსამსახური
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
გილოცავთ ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! !
გილოცავთ ყველას გამარჯვებას
ვეთანხმები აქ გამოთქმულ აზრს - აფრიკის და საფრანგეთის ბევრი მოთამაშე ფიზიკურად ძალიან განსხვავდებოდნენ ჩვენებისგან, ეს რომ არა ჯგუფშიც ერთ თამაშს მაინც მოვიგებდით
სწორი კვება და ვარჯიშები და განვითარებული ბავშვთა სპორტული მედიცინა. აი ეგაა რაც ხელს გვიშვლის კიდევ უფრო წინსვლაში
წელს ფიზიკურად ძაან ძლიერი, მაღლები, განიერი და ჯანიანი მორაბეები იყვნენ მოწინაღმდეგე გუნდებში. მაგრამ მთავარია ელიტაში ვართ და დამსახურებულადაც.
შარშანდელთან შედარებით ჩვენი შერკინება ვერ ჯაბნიდა მოწინაღმდეგეებს აშკარა უპირატესობით. შარშან ყველა მეტოქე დავჯაბნეთ. თვით საფრანგეთიც, რომელიც წელს აშკარად გვჯობდა ფიზიკურად შარშან ვათრიეთ. შარშან ცოტა გამართლება და მსაჯების მიკერძოება, რომ არა უფრო მაღალ ადგილს ვიმსახურებდით - უელსი მაგრად დავჩაგრეთ, არც ირლანდიის დამარცხება გაგვიჭირდებოდა. უბრალოდ წელს ფიზიკურად ვერ ვიყავით ასე გამორჩეულები.
თქვენ გენაცვალეთ, ბიჭებო! გილოცავთ ყველას!
გილოცაააააააააავთ!!!!! რა თამაში მოვიგეთ საღოლ!!!! ეს არის შემართება და ეს არის მოტივაცია !!!! ამან მოიგო თამაში!!!!! ააააააააააააააააეეეეეეეეეეეეეეეეეეეეეე..... დავიღალე მაგრათ!!!!
ახლა ამის დრო არ არის, მაგრამ დასარტყმელი ჯარიმა უნდა დავარტყათ თქვენ შემოგევლეთ...
100% თან ანგარიშის მიუხედავად. ყველა ქულა უნდა ჩაიდოს ყულაბაში
ამ მსაჯების დ.შ. მთელი გულით, რას აკეთებდა..დამაგლიჯა ნერვები ამ შობელძაღლმა..
ხომ ვამბობდით გაფრინდებიანთქო?
გილოცავთ ყველას. ძალიან მაგარი. მსაჯიანად მოვიგეთ არგენინას.
ამიხდა წინათგრძნობა, გილოცავთ ყველას. სულ მჯეროდა რომ არგენტინას დამარცხება შეგვეძლო. დიდი მადლობა პატარა ბორჯღალოსნებს
თქვენ შემოგევლეთ ბიჭებოოო, ყოჩაღ, გილოცავთ..დღეს რა კარგი დღე გვაქვს, აქეთ ბიჭები, იქეთ ზაზა, ღმერთო გვიმრავლე ასეთი დღეები..
თვითრწმენა არ მქონდა მარტო პატარა იმედი მქონდა (წულაიას თქმის არ იყოს პატარა ბავშვის კუტუასავით) და ვაშააააააააააააააააააააააააააააააა
ახლა მთავარია სანამ სახლში მივალ წნევამ დაიწიოს თორე ცოლს ვერ გადავურჩები
გილოცავთ ყველას! განსკუთრებით მათ ვინც უსუსტეს გუნდად შერაცხეთ ჩვენი ნაკრები და მიწასთან გაასწორეთ ყველგან რეგრესი გვაქვს და მისთანებიო ეს არარის მაქსიმუმი წინ ირლანდია გველოდება დაღლილობა თუ დავძლიეთ იქაც შეგვიძლია მოგება
ცოტა ჯგუფში რო გაგვმართლებოდა მეტი შეგვეძლო აშკარად ამ თამაშისკენ იყო მთავარი აქცენტი თავიდანვე
გილოცავთ ყველას ძაან მაგარი თამაში იყო საღოლ ბიჭებს!!!
თქვენ გენაცვალეთ, მაგარი ბიჭები გვყავს. ყველას გილოცავთ, თავი სიზმარში მგონია. გაიხარეთ. ეშინოდეს ირლანდიას.
ვაშააააააააააააააააააააააააააააააააააააააააააააააააააააააააააააააააააააააააააააააააა
115 პულსის დედაც, 150-100 ზე წნევის დედაც ჰო მოვიგეეეეეეეეეეეეეეეეეთ
ააააააააააეეეეეეეეეეეეეეეეეეეეეეეეეეეეეეეეეეეეეეეეეეეეეეეეეეეეე
26 - 25
მერაბ კვირიკაშვილს კარგი შემცვლელი გამოუჩნდა.
ავოიეეეეეეეეეეეეე გილოცავთ ყველას!!! ხალხო წარმოგიდგენიათ ეს რას ნიშნავს!!!!!!!!
გილოცავთ მეგობრებო! ძაან გახარებული ვარ.
26 - 18
ღმერთი ფარავდეს აფრასიძეს და სრულიად ჩვენს ბიჭებს!
26-18! ეგრე რა.
თანაც ასეთი დამტყმელი გვყავს
+3 ქულაც კარგი იყო 8 ქულით ვიქნებოდით წინ
ბიჯო ამათ შიგ ხომ არა აქვთ რა ჯარიმები არ დაარტყეს, ასეთ დროს ზელანდია ურტყამს ჯარიმებს ვინაა ესენი გიჟებია.
თან 8ქულით გავდიოდით წინ, გარდასახული ლელო არ ყოფნიდათ, არ ვიცი...
მაგარი თამაშია
ლელო დაგვიდეს და 7 ქულა აიღეს მეორე ტაიმში
23 -18 ვიგებთ
23 - 18
დაწერეთ რა ანგარიშის ცვლილებები....
მსაჯს შეხედეთ, რა დღეშია
აზერბაიჯანში აზერბაიჯანელებს ამას გაუბედავდნენ მთელი ტურნირის მანძილზე????
ყოჩაღ ბიჭებს, უნდა მოვიგოთ.
მოვიგეთ პირველი ტაიმი 23 - 11
მეგობრებო სტრიმი არაა?
stripslashes((strlen('http://www.myvideo.ge/tv/gpb2hq')>0?'http://www.myvideo.ge/tv/gpb2hq':'http://www.myvideo.ge/tv/gpb2hq'))
იმედია მოვიგებთ
დაწერეთ რა ხდება
14-3 ვიგებთ
დასაწყისია-უკეთესს ვერ ინატრებ, იმედია ბოლომდე ეყოფათ ძალები.
აბა ბიჭებო თქვენ იცით..შეუძლებელი არაფერია
არგენტინას 6 და 9 ნომერი დააკლდება ეგ კარგია. ირწმუნონ საკუთარი თავის.
ისეთი წინათგრძნობა მაქვს რომ ამ თამაშს მოვიგებთ, არ ვიცი რატომ მაგრამ ასე მგონია.
თუ ჩვენი ბიჭები ამას კითხულობენ იცოდეთ რომ თქვენს გვერდით ვართ მთელი გულით და დასაკარგი არაფერი გვაქვს. მთელი მონდომებით თუ ვითამაშებთ აუცილებლად გავიმარჯვებთ. აბა თქვენ იცით, უკვე დროა ვაჩვენოთ რეალურად რა შეგვიძლია
ლელო, ლელო, საქართველო!
აქ გამოჩნდება ჩვენი გუნდის ფსიქოლოგის კომპეტენცია. იმედი მაქვს ბიჭების სათანადოდ განწყობა.
რუსეთმა არგენტინის A ნაკრები (იაგუარები) დაამარცხა. ბოლო ხანებში რუსები პროგრესირებენ. ახალგაზრდული ნაკრებიც წელს ბევრად ძლიერები ყავთ.
10 июня в Монтевидео стартовал Кубка Наций по регби. Сборная России в своем стартовом матче добилась тяжелой победы над Аргентинскими ягуарами со счетом 39:38. В составе россиян попытки на свой счет записали Денис Симпликевич (2), Андрей Темнов, Дмитрий Кротов, Алексей Михальцов и Константин Узунов. Прделагаем вашем вниманию вибеообзор этого матча.
0?'>http://www.rugby.ru/new/kubok-nacij-videoobzor-matcha-rossiya-argentinskie-yaguary.html':'>http://www.rugby.ru/new/kubok-nacij-videoobzor-matcha-rossiya-argentinskie-yaguary.html'))
არგენტინა B იყო მგონი
არგენტინა XV, ოფიციალურად)