შაბათ-კვირას ჩვენი 7-კაცა ევროპის გრან პრის მეორე, ლოძის (პოლონეთი) ეტაპზე ითამაშებს.

გუნდის მთავარმა მწვრთნელმა პალიკო ჯიმშელაძემ შემადგენლობაში სამი ცვლილება განახორციელა. ლოძში არ ითამაშებენ ნიკო აფციაური, ბიძინა სამხარაძე და ნიკა გიგაური. მათ ნაცვლად 12-კაციან განაცხადში არიან ნიკა სუხაშვილი, თორნიკე მანაგაძე და ალექსი ხუციშვილი.

ჩვენმა 7-კაცამ პირველი, მოსკოვის ეტაპი კარგად დაიწყო და ზედიზედ ორი გამარჯვება მოიპოვა (გერმანიასთან და უელსთან), მომდევნო ოთხი თამაში კი მცირე სხვაობით დათმო და ჯამში მე-8 ადგილი დაიკავა.

პოლონეთში საქართველოს მეტოქეები საფრანგეთის, ბელგიისა და ესპანეთის ნაკრებები იქნებიან. მოსკოვში ესპანეთმა ფინალი ირლანდიასთან დათმო, საფრანგეთი მე-5, ხოლო ბელგია მე-11 ადგილზე გავიდა.

ლოძის ეტაპზე თამაშები 12 საათზე იწყება. 10 ივნისს საქართველო პირველ შეხვედრას 13:06 საათზე საფრანგეთის წინააღმდეგ გამართავს, 15:29-ზე ესპანეთს, ხოლო 18:36-ზე ბელგიას ეთამაშება.

მეორე, ლოძის (პოლონეთი) ეტაპზე ითამაშებენ: ბექა ურჯუკაშვილი (არმია), ალექსი ხუციშვილი (უკლუბო), ნიკა სუხაშვილი (ჯიქი), გურამ შენგელია (ჯიქი), ზურაბ ძნელაძე (აია), თორნიკე მანაგაძე (აია), რევაზ ბროძელი (ჯიქი), მამუკა ნინიძე (ჯიქი), გიორგი ბაბუნაშვილი (აია), რეზი ჯინჯიხაძე (ჯიქი), ლევან გოგოლაშვილი (ლოკომოტივი), რამაზ ხარაზიშვილი (ჯიქი).

საქართველოს რაგბის კავშირის პრესსამსახური