არგენტინის ნაკრების მთავარმა მწვრთნელმა დანიელ ურკადემ გამოაქვეყნა 32-კაციანი სია. სწორედ ეს 32 მორაგბე მოემზადება ინგლისის ნაკრების 10 ივნისს სამასპინძლოდ, ხოლო 24-ში ჩვენს „ბორჯღალოსნებს“ დაუხვდება.

ნაკრებში დააბრუნეს ორი ტრავმამოშუშებული მოთამაშე - ბურჯი ნაუელ ჩაპარო და მეორეხაზელი ტომას ლავანინი. არგენტინული სარაგბო წესის თანახმად, „პუმებში“ მოხვედრის მსურველი მოთამაშე აუცილებლად უნდა იყოს სუპერ რაგბიში მოასპარეზე „ხაგუარესის“ წევრი. შესაბამისად, ამ 32-კაციან ჩამონათვალს სრულად შეადგენენ ხსენებული კლუბის წევრები.

არგენტინის ნაკრების შემადგენლობა ივნისის ტესტებზე:

ფორვარდები:

კვაჭები - აგუსტინ კრეევი, ხულიან მონტოია; ბურჯები - ფელიპე არეგი, სანტიაგო ბოტა, რამირო ერერა, ლუკას პასი, ენრიკე პიერეტო, ნაუელ ჩაპარო; მეორეხაზელები - მატიას ალემანო, ტომას ლავანინი, გვიდო პაგადისაბალი; ფლანკერები - როდრიგო ბაესი, ხუან მანუელ ლეგისამონი, ტომას ლესანა, პაბლო მატერა, ხავიერ ორტეგა დესიო; 8 ნომერი - ბენხამინ მაკომე, ლეონარდო სენატორე;

უკანა ხაზი:

შერკინების ნახევარმცველები - გონსალო ბერტრანუ, ფელიპე ესკურა, მარტინ ლანდახო; მგეზავები - სანტიაგო გონსალეს იგლესიასი, ნიკოლას სანჩესი; შუამარბები - ხერონიმო დე ლა ფუენტე, ხუან მარტინ ერნანდესი, მატიას მორონი, მატიას ორლანდო; გარემარბები - ემილიანო ბოფელი, სანტიაგო კორდერო, მანუელ მონტერო; ფულბეკები - რამირო მოიანო, ხოაკინ ტუკულეტი.