სამხრეთ აფრიკა, ინგლისი და უელსი ერთობლივი საკლუბო ტურნირის შექმნის იდეის ირგვლის უკვე მოლაპარაკებებს მართავენ. ეს შეჯიბრება ანგლო-უელსურ თასს ჩაანაცვლებს. მასში მონაწილეობას ინგლისის პრემიერშიპის გუნდები, პრო 12-ის უელსური ფრანშიზები და ქარის თასის წარმომადგენლები მიიღებენ.

ავივა პრემიერშიპის გენერალურმა დირექტორმა მარკ მაკკაფერტიმ დაადასტურა ეს ინფორმაცია.

„ჩვენთვის მნიშვნელოვანია ოთხი ფაქტორი: დასწრებადობა, აუდიტორიის ზრდა, ტურნირის მომხიბვლელობა და ფინანსური მდგრადობა. ჩემი აზრით, სამხრეთაფრიკული გუნდების ჩართვა ტურნირისადმი ინტერესს გაზრდის. დისკუსია მიმდინარეობს და ჩვენ უკვე დეტალების განხილვის სტადიაში ვართ“, - უთხრა მაკკაფერტიმ „ბიბისი სპორტს“.

თუ მოლაპარაკებები წარმატებით დასრულდება, შეჯიბრება სტარტს 2020 წელს აიღებს.