“თბილისის კავკასიელები” “ჩელენჯ ქაფის” საკვალიფიკაციო ეტაპის პლეი ოფის პირველ მატჩში იტალიურ “როვიგოსთან” 8:15 მარცხდება.

ქართველებმა თამაში აქტიურად დაიწყეს და ანგარიში მე-3 წუთზე ირაკლი ყიასაშვილმა არეკნით გახსნა. მას ორჯერ მიეცა ჯარიმიდან უპირატესობის გაზრდის შანსი, მაგრამ მიზანმა უმტყუნა. მე-14 წუთზე გიორგი შკინინმა ლელო გაიტანა და რადგან გარდასახვა არაზუსტი იყო, სტუმრები 8:0 დაწინაურდნენ, მაგრამ ამის შემდეგ უპირატესობა იტალიელთა მხარეს გადავიდა. მათ ჯერ ჯარიმით შეამცირეს სხვაობა, მერე ორი ლელო გაიტანეს (მეორე ბოლოსწინა წუთზე), ერთი გარდასახვა გამოიყენეს და შესვენებაზე 7-ქულიანი უპირატესობით გავიდნენ.