7-ქალა

17:52 | 10.04.2017 | ნანახია 1935 - ჯერ

7-კაცას მსოფლიოს აშშ ივლისში უმასპინძლებს

„მსოფლიო რაგბმა“ 7-კაცა რაგბში ქალთა და ვაჟთა 2018 წლის მსოფლიო ჩემპიონატის ჩატარების დრო და ადგილი დაამტკიცა.

ტურნირი აშშ-ის ორ სტადიონზე: სან ხოსეს 18-ათასიან „ავაიაზე“და სან ფრანცისკოს 42-ათასიან „ეითი ენდ თი პარკზე“ 20-22 ივლისს გაიმართება.

ვაჟთა ტურნირის 24 მონაწილიდან 9-ის ვინაობა ცნობილია. ესენი არიან აშშ, კენია, სამხრეთ აფრიკა, ინგლისი, საფრანგეთი, უელსი, ავსტრალია, ფიჯი და ახალი ზელანდია. დამატებით 4 ადგილს ის გუნდები მიიღებენ, რომლებსაც 2017/2018 წლების მსოფლიო სერიაში საუკეთესო მაჩვენებელი ექნებათ. რა თქმა უნდა, ამ შენმთხვევაში იმ გუნდების შედეგი გათვალისწინებული არ იქნება, რომლებსაც მსოფლიოს ჩემპიონატზე თამაში უკვე გარანტირებული აქვთ. მოცემული მომენტისთვის ამ ოთხეულში არგენტინა, შოტლანდია, კანადა და სამოა ხვდებიან (დარჩენილია 3 ეტაპი).

დანარჩენი 11 ადგილი რეგიონალური შესარჩევი ეტაპის შედეგების მიხედვით ასე გადანაწილდება: ევროპა - 2; აზია - 2; აფრიკა - 2; სამხრეთ ამერიკა - 2; ოკეანეთი - 2; ჩრდილოეთ ამერიკა - 1.

ევროპის 2 საგზური 2017 წლის რაგბი ევროპის გრან პრიზე გათამაშდება და აშშ-ში ის ორი გუნდი გაემგზავრება, რომელსაც 4 ეტაპის შემდეგ საუკეთესო მაჩვენებელი ექნება (ევროპიდან მსოფლიოს ჩემპიონატზე უკვე გასული გუნდების შემდეგ). პირველი, მოსკოვის (რუსეთი) ეტაპი ივნისის პირველ უქმეებზე გაიმართება და საქართველო ჯგუფურ ეტაპზე გერმანიის, ირლანდიისა და უელსის ნაკრებებს შეხვდება.

ქალთა მსოფლიო ჩემპიონატზე 16 მონაწილიდან ცნობილია მხოლოდ 4: აშშ, კანადა, ესპანეთი და ახალი ზელანდია. კიდევ 4 მონაწილე ქალთა მსოფლიო სერიის დასრულების შემდეგ გამოვლინდება, ხოლო დანარჩენი 8 საგზური რეგიონალური პრინციპით გათამაშდება.


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.075877