2016/2017 წლების სეზონის დიდი 10-ის რეგულარული გათამაშების დასკვნითი ტური გამორჩეული აღმოჩნდა. გასავარდნი ზონის სიახლოვეს მყოფმა გუნდებმა თამაშები სუსურველი შედეგებით დაასრულეს და საბოლოოდ პირველ ლიგაში ბოლნისის „ყოჩები“ დაქვეითდა, ხოლო თბილისის „არმაზი“ გადათამაშებაში ჩაერთვება.

მოულოდნელობები რუსთავსა და ქუთაისში დაფიქისირდა. თბილისის „არმიას“ ექვსეულში შესვლის შანსი ჰქონდა და ამისათის ბოლნისის „ყოჩები“ პრემიალური ქულით უნდა დაემარცხებინა, პარალელურად თბილისის „აკადემიისა“ და „ბათუმის“ შედეგს დალოდებოდა. „ყოჩებს“ დიდ 10-ში დასარჩენად აუცილებლად ჭირდებოდა მოგება, სასურველი იყო - პრემიალური ქულით, და ასეც მოხდა, ბოლნისელებმა მეტოქე 47:14 დაამარცხეს.

მათი მთავარი კონკურენტი „ბაგრატი“ ქუთაისურ დერბიში ლიდერ „აიას“ ხვდებოდა. თამაში ისე წარიმართა, რომ გადამწყვეტი უპირატესობა ვერავინ მოიპოვა. რუსთავური მოვლენების პარალელურად ცხადი გახდა, რომ „ბაგრატს“ მხოლოდ მოგება აძლევდა ხელს და გამარჯვების ლელო დადო კიდეც - 11:10 და „ბაგრატი“ დიდ 10-ში დარჩა. ამით „აიამ“ ლიდერობა დაკარგა, მესამე საფეხურამდე დაქვეითდა და პლეი-ოფში გრძელი გზით მოუწევს სიარული.

„არმაზს“ პირდაპირი გავარდნა არ ემუქრებოდა, გორის „ჯიქთან“ 18:58 დამარცხდა და უძლიერესთა შორის დარჩენისთვის თბილისის „ივერიას“ ორრაუნდიან ბრძოლაში შეხვდება. „არმაზმა“ ბოლნისს ურთიერთშეხვედრებით აჯობა. ამ ორომტრიალში „ჯიქი“ პირველ ადგილზე აღზევდა და პირველად არსებობის ისტორიაში, რეგულარული გათამაშების გამარჯვებული გახდა.

მეორე ადგილზე „ბათუმი“ გავიდა, რომელმაც თბილისის „აკადემიას“ ასევე პრემიალური ქულით აჯობა - 34:17. იმისთვის, რომ „მხატვრებს“ თავი მშვიდად ეგრძნოთ, ამ თამაშში მინიმუმ ბონუსი უნდა აეღოთ, ეს ვერ შეძლეს, მაგრამ „არმია“ მათ ვეღარ დაეწია.

ტურის ცენტრალურ მატჩში „ლელო-სარასენსმა“ „ლოკომოტივს“ 37:10 მოუგო. წაგებულმა და მოგებულმა ამით ვერაფერი მიიღო და დიდი 10-ის ერთ-ერთი მთავარი დერბი აპრილის ბოლოს პლეი-ოფის პირველ ეტაპზე განმეორდება. „ლელო-სარასენსი“ „ლოკომოტივს“ 22, ან 23 აპრილს შეხვდება და ამავე ეტაპზე „აია“ ქუთაისში „აკადემიას“ დაუხვდება. გამარჯვებულები მეორე ეტაპზე ერთმანეთს ხვდებიან. მეორე ეტაპიდან ერთვებიან საქმეში „ჯიქი“ და „ბათუმი“ და მათ შორიის გამარჯვებული ფინალში გადის, ხოლო დამარცხებულს სეზონის მთავარ მატჩში მოხვედრის შანსი კიდევ რჩება და ამისათვის მეორე ეტაპის მეორე წყვილს შორის გამარჯვებულს მცირე ფინალში შეხვდება.

2016/2017 წლების დიდი 10

XVIIII (ბოლო) ტური

არმაზი (თბილისი) 18:58 ჯიქი (გორი)

ლელო-სარასენსი (თბილისი) 37:10 ლოკომოტივი (თბილისი)

აკადემია (თბილისი) 17:34 ბათუმი (ბათუმი)

არმია (თბილისი) 14:47 ყოჩები (ბოლნისი)

ბაგრატი (ქუთაისი) 11:10 აია (ქუთაისი)

პლეი ოფი. პირველი ეტაპი

22-23 აპრილი

მ1. აია - აკადემია

მ2. ლელო-სარასენსი - ლოკომოტიივი

მეორე ეტაპი. 29-30 აპრილი

ჯიქი - ბათუმი

მ1 მოგებული - მ2 მოგებული