პოპულარულმა ფრანგულმა სარაგბო გამოცემა „მიდი ოლიმპიკმა“ ტოპ 14-ის გასული ტურის სიმბოლური ნაკრები შეადგინა და საუკეთესო მოთამაშეც დაასახელა.

უიქ-ენდის საუკეთესო მორაგბედ „კლერმონის“ 24 წლის მესამეხაზელი პესელი იატო აღიარეს, ვისაც „პოსთან“ 65:13 მოგებულ მატჩში ლელო არ დაუდია და სულაც სინბინშიც კი გაატარა 10 წუთი, მაგრამ ჯანმაგარმა და უსწრაფესმა ფიჯელმა თავისი გუნდის 9 ლელოდან მინიმუმ ნახევარში უშუალო მონაწილეობა მიიღო.

სიმბოლურ ნაკრებში კიდევ სამი კლერმონელი მოხვდა და რაც მთავარია, მათ შორის დავით ზირაქაშვილიცაა. ლელო არც ვეტერან ბორჯღალოსანს ჩაუწერია საკუთარ ანგარიშზე, მაგრამ „ვულკანების“ შერკინების წინა ხაზის მიერ ოპონენტების გვემაში მისი მონაწილეობა უდიდესი იყო.

აქვე ტოპ 14-ის გასული ტურის სიმბოლური XV-იც:

15. მაქსიმ მედარი (ტულუზი)

14. ვენსან რატე (ლა როშელი)

13. მატიე ბასტარო (ტულონი)

12. ნაიჯელ ჰანტი (გრენობლი)

11. ალექსი პალისონი (ტულუზი)

10. ჟან-მარკ დუსენი (ტულუზი)

9. რიკი ჯენიური (ლა როშელი)

8. ჟან მონრიბო (ბაიონი)

7. სამუ მანოა (ტულონი)

6. პესელი იატო (კლერმონი)

5. ფლიპ ვან დერ მერვე (კლერმონი)

4. ტანერა ლეტიმერი (ბაიონი)

3. დავით ზირაქაშვილი (კლერმონი)

2. ბენჟამენ კაიზერი (კლერმონი

1. სონა ტაუმალოლო (გრენობლი)