ლეგიონერები

17:03 | 20.03.2017 | ნანახია 3779 - ჯერ

„კრასნი იარი“ მარტყოფში დაბანაკდა
ლაშა ლომიძე რუსულ კლუბს გააძლიერებს?

რუსეთის ვიცე-ჩემპიონი „კრასნი იარი“ უკვე საქართველოშია და ჩელენჯ ქაფის საკვალიფიკაციო პლეი ოფის მატჩისთვის მარტყოფის სარაგბო ბაზაზე ემზადება.

მოგეხსენებათ, „კრასნი იარი“ ჩელენჯ ქაფის შესარჩევი ეტაპის პლეი ოფს რუმინულ „ტიმიშოარა-სარასენსთან“ გამართავს და პირველი შეხვედრა 1 აპრილს, რუსთავის სარაგბო სტადიონზე 15 საათზე დაიწყება.

„აღფრთოვანებულები ვართ საქართველოში არსებული სარაგბო ბაზებით. მარტყოფის ბაზაზე ყველაფერია იმისათვის, რომ ნაყოფიერად მოემზადო. ძალიან დიდი პლიუსი ისაა, რომ საცხოვრებელი სავარჯიშო მოედნისგან მხოლოდ 50 მეტრითაა დაშორებული. „კრასნი იარის“ მორაგბეები ახალაშენებულ ერთსართულიან სახლებში ცხოვრებენ. მოედნები ბუნებრივი და ხელოვნური საფარებით იდეალურ მდგომარეობაშია. აქვეა სავარჯიშო დარბაზი. დღის განმავლობაში ჰაერის ტემპერატურა +15 გრადუსია, ცა მოწმენდილია. ბაზა ზღვის დონიდან 740 მეტრზეა და რაც ყველაზე მნიშვნელოვანია, მისი ხელმძღვანელობა და მომსახურე პერსონალი პროფესიონალურად და მეგობრულად გვექცევა“ - წერია „კრასნი იარის“ ოფიციალურ საიტზე.

შეგახსენებთ, „კრასნი იარის“ შემადრენლობაში საქართველოს ეროვნული ნაკრების მგეზავი ლაშა მალაღურაძე და ქართველი ბურჯი მიხეილ წიკლაური თამაშობენ. ამავე გუნდშია წარმოშობით ქართველი, რუსეთის ნაკრების კვაჭი ვალერი ცნობილაძე.

შესაძლოა „კრასნი იარს“ ამ ორი თამაშისთვის კიდევ ერთი „ბორჯღალოსანი“, მესამეხაზელი ლაშა ლომიძე დაემატოს. მოგეხსენებათ, მან „ბეზიესთან“ კონტრაქტი გაწყვიტა და ახალ სეზონს „ლონდონ აირიშში“ დაიწყებს, მანამდე კი თავისუფალია და რუსულ კლუბში თამაშის უფლება აქვს.


კომენტარები (2)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
20:31 | 21.03.2017
პანტელეიმონი (272)

არ ცხვენიათ მილიონერთა იმ კრებულს ბუქარესტის სტადიონზე, რომ იყვნენ წამოპლაკული, თუ ქართული რაგბი უყვართ თითომ 10 000$ რომ დადოს ჩვენი გუნდიც ითამაშებდა ჩელენჯ ქაფზე.

11:45 | 21.03.2017
korben dallas (52)

რა იყო, კრასნი იარია თუ ყიზილბაშთა ლაშქარი ? DDDDDDDDD
მწვრთნელი ყარჩიხანი ყავთ ალბათ DDDDDDDD

0.066476