ფრანგულ შეკრებაზე მყოფმა უმცროსმა ბორჯღალოსნებმა გუშინ საღამოს პირველი საკონტროლო მატჩი გამართეს და მეტოქე 33:17 დაამარცხეს.
ჩვენი 18-წლამდელები "მონპელიესა" და "ბეზიეს" თანატოლთა გაერთიანებულ გუნდს ეთამაშნენ. დავით ჩავლეიშვილის შეგირდებმა მეტოქეს პირველ ტაიმში 3 ლელო დაუდეს. თავი სოსო ჭყოიძემ, რატი ჟორჟოლიანმა და თედო აბჟანდაძემ გამოიჩინეს, აბჟანდაძემ ორი გარდასახვაც გაიტანა და ტაიმი 19:5 მოვიგეთ.
მეორე ტაიმში მეტოქეებმა ორ-ორი ლელო დადეს. ქართველთაგან ლელოები კონსტანტინე მარჯანიშვილმა და შეცვლაზე შესულმა გიორგი ახალაძემ გაიტანეს. აბჟანდაძემ ორივე გარდასახვა ზუსტად შეასრულა და ბორჯღალოსნებმა 33:17 იმარჯვეს.
18-წლამდელები 22-ში მეორე თამაშს გამართავენ და მეტოქე "მონპელიესა" და "ნარბონის" გაერთიანებული გუნდი იქნება. შეკრების დასრულების შემდეგ ისინი შინ ბრუნდებიან და 2 აპრილს კვლავ საფრანგეთში გაემგზავრებიან, სადაც 6-დან 16 აპრილამდე რაგბი ევროპის 18-წლამდელთა ღია ჩემპიონატში (ყოფილი ელიტ დივიზიონისთვის) ითამაშებენ.
საქართველოს რაგბის კავშირის პრესსამსახური
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ყოჩაღთ ბიჭებო, კვალში უნდა მიყვეთ უფროსებ და თქვენც გაგვახაროთ!
ყოჩაღ