დღეს ‘მსოფლიო რაგბმა’ 2020-32 წლების საერთაშორისო კალენდარი დაამტკიცა, რომლის მიხედვით საქართველოს და დანარჩენ თიერ 2 გუნდებს ბობოლების წინააღმდეგ მეტი ტესტის შესაძლებლობა და რაც მთავარია მათი მასპინძლობის შესაძლებლობა ეძლევა.

წყარო >>> მზარდი სარაგბო ქვეყნების მეტი ინტეგრირება, კომერციული მდგრადობა და მოთამაშეთა კეთილდღეობის გაძლიერება ის ძირითადი პრინციპებია, რითაც ახალი საერთაშორისო კალენდრის შექმნისას იხელმძღვანელეს. ახალი კალენდარი დღეს მსოფლიო რაგბის აღმსრულებელმა კომიტეტმა დაამტკიცა.

ახალი 2020-32 წლების კალენდარი ადგენს ახალ სტანდარტებს და მასში პრიორიტეტი ინეჭება დასვენების გაზრდილ პერიოდსა და უფრო სამართლიანად განაწილებულ ტესტებს მზარდი სარაგბო ქვეყნებისთვის.

ახალი ივლისის ფანჯარა

ახალ კალენდარში შენარჩუნებულია სამივე საერთაშორისო ფანჯარა. ერთად ერთი ცვლილება ისაა, რომ ზაფხულობით ტესტები ივნისის ნაცვლად ივლისში გაიმართება. ეს ‘ზე რაგბისთვის’ სეზონის შეუჩერებლად ჩატარების შესაძლებლობას წარმოადგენს, რის შედეგადაც ‘სანზარის’ (ახალი ზელანდიის, ავსტრალიისა და სამხრეთ აფრიკის ასოციაცია, რომელიც ‘ზე რაგბის’ მმართველი ორგანოა) ნაკრებებს ივლისის ტესტებისთვის მოსამზადებლად მეტი დრო მიეცემათ.

• ივლისის ტესტები თვის საწყის სამ კვირაზე გადანაწილდება და მოიცავს სამ ტესტს, (გარდა მსოფლიო თასის შემდგომ წლისა, როდესაც ‘სანზარის’ კავშირები 2 ტესტიან სერიას გამართავენ)

• ნოემბრის ტესტები ერთი კვირით წინ გადაიწევს და თვის პირვე სამ კვირას მოიცავს

გაზრდილი შესაძლებლობები მზარდი ნაკრებებისთვის

რაგბი მსოფლიოს მასშტაბით მონაწილეთა, ქომაგთა და კომერციული შესაძლებლობების სახით მნიშვნელოვან ზრდას განიცდის. ამის გათვალისწინებით, ოკეანეთის, იაპონიის, აშშ-ს, კანადის, საქართველოს და რუმინეთის ნაკრებებისთვის უპრეცენდენტო სამატჩო შესაძლებლობების მიცემით, ახალი განრიგი მიზნად ისახავს საერთაშორისო რაგბის კონკურენტუნარიანობის მეტად გაზრდას.

ამ ნაკრებებს ივლისისა და ნოემბრის ტესტ ფანჯრებში მიეცემათ ‘სანზარისა’ და ‘6 ერის’ გუნდების წინააღმდეგ თამაშის შესაძლებლობა.

• ახალი კალენდრით გათვალისწინებულ პერიოდში თიერ 1 და 2 გუნდებს შორის, მინიმუმ 110 მატჩი გაიმართება, რაც ადრინდელ განრიგთან შედარებით 39 პროცენტიან ზრდას წარმოადგენს;
• ‘სანზარის’ ნაკრებები ივლისში თიერ 2 ქვეყნებს უმასპინძლებენ;
• საფრანგეთი და ინგლისი ოკეანეთში ტურნეებს მოაწყობენ, ამავდროულად ბობოლებს აშშ, კანადა და იაპონიაც უმასპინძლებენ;

• საქართველო და რუმინეთი ივლისის ტესტებზე 6 ერის გუნდებს შინ მიიღებენ;

• ნოემბრის ტესტებზე 6 ერის ყველა ნაკრები სახლში წელიწადში მინიმუმ ექვს თამაშს გამართავს თიერ 2 გუნდების წინააღმდეგ;

ბილ ბომონდი, მსოფლიო რაგბის თავმჯდომარე: “ოპტიმიზირებულ კალენდარზე შეთანხმება, რომელიც 2019 წლის მსოფლიო თასის შემდეგ ათწლეულში მეტ გარკვეულობასა და მდგრადობას მოგვანიჭებს, ჩვენი სპორტის ისტორიაში ისტორიულ ეტაპს წარმოადგენს.

“შეთანხმების პროცესი კოპლექსური იყო და მე მინდა დიდი მადლობა გადავუხადო კავშირებს და პროფესიულ საკლუბო ლიგებს, რადგან ყველა მხარემ ურთიერთ-თანამშრომლობის პრინციპებით იხელმძღვანელა და გარკვეულ კომპრომისებზე წავიდა. მათ ყველაფერი გააკეთეს იმისათვის რომ ეს შეთანხმება შემდგარიყო, რაც უპირველეს ყოვლისა ჩვენ შესანიშნავ თამაშს აუცილებლად დიდ სარგებელს მოუტანს”

ეს განრიგი უდიდეს ბიძგს, სტიმულსა და მოტივაციას წარმოადგენს ისეთი ქვეყნებისთვის, როგორიც საქართველოა, რომელმაც წინა მსოფლიო თასზე ნაჩვენები შედეგით გაინაღდა ‘იაპონია 2019’-ის საგზური.

ახალ კალენდართან დაკავშირებით საქართველოს რაგბის კავშირის პრეზიდენტმა, გოჩა სვანიძემ განაცხადა: “ეს შესანიშნავი ამბავია საქართველოსთვის და ჩვენ ამ შეთანხმებას მხოლოდ და მხოლოდ მივესალმებით.

“ისევე როგორც ბევრ სხვა კავშირს, ჩვენ გვჭირდება და გვინდა, რომ მსოფლიო თასის გარეთაც გვეძლეოდეს საუკეთესოებთან თამაშის შესაძლებლობა, რასაც ეს ახალი კალენდარი გვაძლევს. ჩვენ შემდგომი განვითარებისთვის გვაქვს მყარი და ძლიერი საფუძველი და მე მინდა მადლობა გადავუხადო მსოფლიო რაგბს ასეთი უმნიშვნელოვანესი შესაძლებლობების მოცემისათვის."

rugby.ge