"რაგბი ევროპის" პირველობის ერთპიროვნული ლიდერი საქართველო მესამე ტურში "ლომებს" (Los Leones - ესპანეთის ნაკრების თიკუბი) ოდნავ შეცვლილი რაზმით ეწვევა. თამაში "სარაგბო ქალაქის", ვალიადოლიდის შემოგარენში, დაბა მედინა დელ კამპოში, შაბათს, 4 მარტს, ჩვენებურად 19 საათზე დაიწყება. მატჩის პირდაპირ რეპორტაჟს ტრადიციულად საზოგადოებრივი მაუწყებელი შემოგვთავაზებს.
"ბორჯღალოსნებმა" ესპანეთისკენ გეზი დღეს აიღეს. ისინი ჯერ ბარსელონის მახლობლად, სან ვოიში დაბანაკდებიან, სადაც 2 მარტამდე დარჩებიან და შემდეგ მედინა დელ კამპოში გაემგზავრებიან.
რაზმში ცვლილებებით და ნამატით
თებერვალში "ბორჯღალოსნებმა" ორჯერვე ბონუსით და ლელოს გაუშვებლად ძლიეს წინდაწინვე სუსტებად შერაცხული მეტოქეები - გასვლაზე ბელგია 31:6 და შინ გერმანია 50:6. ამ მატჩში რომ დაგვემტვრა ორივე კვაჭი, მილთონ ჰეიგმა საესპანეთოდ იხმო "ძველი გვარდია" - ჯაბა ბრეგვაძე და შალვა მამუკაშვილი.
რადგან ესპანეთი ბელგიასა და გერმანიაზე ძლიერია, ჰეიგმა შერკინებას "მონპელიეს" მეორეხაზელი კოტე მიქაუტაძეც დაუმატა. ნაკრებში წლეულს პირველად ვათამაშებთ ძირითად 9 ნომერს, ჯერაც მხოლოდ 20 წლის ვასილ ლობჟანიძეს, უკანა სამეულში კი გამოიცდებიან პერსპექტიული ნორჩები - ირაკლი სვანიძე და სეზონის აღმოჩენა, აკადემიელი სოსო მათიაშვილი.
მწვრთნელის მოსაზრებანი
კივმა სპეციალისტმა საკადრო ცვლილებები ასე დაგვისაბუთა:
"ჯაბასა და შალვას იმიტომ დავუძახეთ, რომ ორივე კვაჭი დაგვიშავდა: ბადრი ალხაზაშვილი მინიმუმ 4 კვირით გამოგვაკლდა, ხოლო გიორგი ჭყოიძე - ორით.
კოტე დავიბრუნეთ, რათა უკეთ დავაკომპლექტოთ მეორე ხაზი - მაგ რგოლში ვინმე რომ დაგვიშავდეს, გაგვიჭირდება.
ვასკა ტოპ 14-ის ძირითადში ცოტას თამაშობს. მისი დამატებით უკეთ ვირაგბებთ იმ ყაიდაზე, რაც მიზნად დაგვისახავს.
სოსო და ირაკლი ჩვენი "განვითარების გეგმის" წევრებად მოიაზრებიან. ისინი თავიდან არ ვიხმეთ, მაგრამ მარტში მათ გამოცდას წინდაწინვე ვგეგმავდით. დავაკვირდებით, როგორ ივარჯიშებენ დამდეგ კვირაში, და თუ ესპანეთთან თამაშის შანსი მიეცათ - რამდენად გამოიჩენენ თავს, განსაკუთრებით - შეტევაში".
ჰეიგმა ასევე აღნიშნა, რომ ტურნირის დარჩენილი ორი მატჩისთვის რაზმს "ბორჯღალოსნების" სამწვრთნელო შტაბი ესპანეთის შემდეგ დაასახელებს.
ზედიზედ სამ უიქ-ენდზე
ესპანეთი, ბელგია-გერმანიისგან განსხვავებით, ხელწამოსაკრავი მეტოქე არაა. მართალია, "ლომებს" 17 მატჩის ჯამში ქულებით 547:260 ვჯობნით, ხოლო ლელოებით - 76:27, მაგრამ ნუ დაგვავიწყდება, რომ 8 გასვლიდან წაგვიგვია სამი (2000, 2007, 2012) და ერთხელაც (2004) ფრეს დავჯერებივართ.
ესპანეთმა წელს ისევ იხმო ბლომად ძირით ფრანგი და ნატურალიზებული უცხოელიც. ერთი ისაა, რომ "ლომებს" ჩვენთან თამაშის შედეგი 2019 წლის მსოფლიო თასის შესარჩევში არ ეთვლებათ, რის გამოც, ლოგიკით, ალბათ ძალებს დაზოგავენ ბოლო ორ ტურში სუსტებთან შებმის წინ - ფინიშზე ზედიზედ სამ უიქ-ენდზე თამაში ხომ წლევანდელი "რაგბის ევროპის" სიახლეა!
საქართველოს ბორჯღალოსნები
2017 წლის "რაგბი ევროპა" * ესპანეთი [4/03]
რაგბი ევროპა 2017 * ბოლო განახლება [50:6 გერმანია 19/02_2017] * მონაგარი 1989-2016
| No | სახელი და გვარი | კლუბი | დაბ | ბრჯ | მონაგარი |
| უკანა ხაზი [ბექები] | |||||
| 15 | მერაბ კვირიკაშვილი | ლელო სარასენს [საქ დ 10] | 1983 | 100 | 14ლ 139გ 142ჯ 3ა [783 ქ] 5სბ |
| 15 | ბექა წიკლაური | ლოკომოტივი [საქ დ 10] | 1989 | 26 | 4ლ 11გ 15ჯ 2ა [93 ქ] |
| გ | სანდრო თოდუა | ლელო სარასენს [საქ დ 10] | 1987 | 61 | 7ლ 2სბ |
| გ | ირაკლი სვანიძე | გორის ჯიქი [საქ დ 10] | 1996 | 1 | : |
| გ | სოსო მათიაშვილი | აკადემია [საქ დ 10] | 1993 | 0 | : |
| შ | დავით კაჭარავა | ენისეი [რუს სუპერ] | 1985 | 96 | 20ლ [4 კაპ] 2სბ |
| შ | მერაბ შარიქაძე | ორიაკ [სფრ პრო დ2] | 1993 | 49 | 9ლ [3 კაპ] |
| შ | გიორგი კოშაძე | რუსთავის ხარები [საქ Iლ] | 1996 | 3 | 3ლ |
| შ | ბადრი ლიპარტელიანი | არმაზი [საქ დ 10] | 1995 | 0 | : |
| 10 | ლაშა მალაღურაძე | კრასნი იარ [რუს სუპერ] | 1986 | 75 | 4ლ 40გ 25ჯ 3ა [184 ქ] 2სბ |
| 10 | ლაშა ხმალაძე | ლელო სარასენს [საქ დ 10] | 1988 | 50 | 7ლ 4გ [43 ქ] |
| 10 | რევაზ ჯინჭველაშვილი | ქუთაისის ბაგრატი [საქ დ 10] | 1995 | 3 | : |
| 9 | გიორგი ბეგაძე | ბოლნისის ყოჩები [საქ დ 10] | 1986 | 53 | 2სბ |
| 9 | ვასილ ლობჟანიძე | ბრივ [სფრ ტოპ 14] | 1996 | 18 | 3ლ |
| 9 | გელა აფრასიძე | ლელო სარასენს [საქ დ 10] | 1998 | 1 | : |
| შერკინება [ფორვარდები] | |||||
| 1 | გიორგი თეთრაშვილი | აჟენ [სფრ პრო დ2] | 1993 | 6 | : |
| 1 | თორნიკე მატარაძე | ლიონ [სფრ ტოპ 14] | 1996 | 2 | სბ |
| 2 | შალვა მამუკაშვილი | ტულონ [სფრ ტოპ14] | 1990 | 43 | 3ლ |
| 2 | ჯაბა ბრეგვაძე | ვუსთერ [ინგ პრემ] | 1987 | 40 | ლ 2სბ |
| 3 | გიორგი მელიქიძე | სტად ფრანსეზ [სფრ ტოპ 14] | 1996 | 3 | : |
| 3 | სოსო ბეკოშვილი | ბრივ [სფრ ტოპ 14] | 1993 | 2 | : |
| 3 | ლაშა ტაბიძე | ბორდო [სფრ ტოპ 14] | 1997 | 1 | : |
| 2ხ | გიორგი ნემსაძე | ბრისთოლ [ინგ პრემ] | 1984 | 67 | 12ლ 4სბ |
| 2ხ | კოტე მიქაუტაძე | მონპელიე [სფრ ტოპ 14] | 1991 | 45 | 2ლ 3სბ |
| 2ხ | ნოდარ ჭეიშვილი | ლელო სარასენს [საქ დ 10] | 1990 | 6 | : |
| 3ხ | გიორგი თხილაიშვილი | ბათუმი [საქ დ 10] | 1991 | 35 | 9ლ სბ |
| 3ხ | ლაშა ლომიძე | ბეზიე [სფრ პრო დ2] | 1992 | 27 | 5ლ სბ |
| 3ხ | ბექა გორგაძე | მონ’დე’მარსან [სფრ პრო დ2] | 1996 | 9 | 5ლ სბ |
| 3ხ | საბა შუბითიძე | აკადემია [საქ დ 10] | 1994 | 8 | : |
| 3ხ | ოთარ გიორგაძე | კლერმონ [სფრ ტოპ 14] | 1996 | 3 | ლ |
| 3ხ | გიორგი ცუცქირიძე | ბრივ [სფრ ტოპ 14] | 1996 | 1 | : |
საქართველოს რაგბის კავშირის პრესსამსახური
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
დავიჯერო, რუსეთთან თამაშში მამუკა გორგოძე არ ჩამოვა?? ვინმეს ხომ არა გაქვთ ინფორმაცია, როგორ არიან შეთანხმმებულები?
ღრუსებს გორგოძეს გარეშეც ადვილად უნდა აჯობონ. მაგ პატივი არ უნდა დავდოთ მაგ ღორის ჯიშებს რომ მამუკა შევარკინოთ.
მგონია, აჯობებს, თუ ღრუსებთან დავიმატებთ რამდენიმე გამოცდილს - ერთი, მამა-პაპურად გადავთელოთ, რომ კავკასიის მთებმა ვერ შეაკავონ მათი ყმუილი!
რაგბი ჩვენი თამაშია ! ! !