საფრანგეთი ტოპ-14

13:35 | 25.02.2017 | ნანახია 1729 - ჯერ

დუდუ ქუბრიაშვილს 2 თვე გაუცდება

გასულ კვირას „მონპელიემ“ ტოპ 14-ის მე-18 ტურის მატჩში „ტულუზს“ უმასპინძლა, 27:18 დაამარცხა და სატურნირო ცხრილის მე-3 საფეხური შეინარჩუნა. მონპელიელთა სასტარტო შემადგენლობაში მარჯვენა ბურჯი დავით ქუბრიაშვილი იყო, ვინც 74-ე წუთზე შეცვალეს, ანუ დუდუმ ბურჯისთვის სოლიდური დრო დაჰყო მოედანზე. შედარებისთვის, „მონპელიეს“ მეორე სასტარტო ბურჯმა, ასევე „ბორჯღალოსანმა“ მიხეილ ნარიაშვილმა 66-ე წუთამდე ითამაშა, მათმა ტულუზელმა თანაამპლუელმა და თანამემამულე ვასილ კაკოვინმა - 63-ემდე.

მოგვიანებით კი აღმოჩნდა, რომ დუდუ ტრავმიანი თამაშობდა და მისთვის უმჯობესი იქნებოდა, ადრევე შეეცვალათ. წვივის უკანა კუნთის გაწყვეტა - ასეთია ექიმების დიაგნოზი, რაც იმას ნიშნავს, რომ 30 წლის ქართველ მორკინალს დაახლოებით ორი თვე და „მონპელიეს“ მომდევნო 4 მატჩი გაუცდება. საუბარია „ლიონთან“, „კლერმონთან“, „რასინგთან“ და „ბრივთან“ უმნიშვნელოვანეს შეხვედრებზე.

დუდუ ქუბრიაშვილს ტოპ 14-ის მიმდინარე ჩემპიონატის 18 ტურიდან 12-ში (9-ჯერ - სასტარტო) აქვს ნათამაშები.


კომენტარები (1)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
18:18 | 25.02.2017
პანტელეიმონი (1218)

დუდუ მალე გამოჯამრთელებას გისურვებ

0.070955